2016 წლის 27 ოქტომბერს ხელოვნების უნივერსიტეტში გაიმართა ისტორიის მეცნიერებათა დოქტორის ნინო ხარჩილავას წიგნის, „საქორწინო ტრადიციები ისტორიულ სამურზაყანოში“ პრეზენტაცია. პრეზენტაციას ესწრებოდნენ უმაღლესი სასწავლო დაწესებულებების წარმომადგენლები, უნივერსიტეტის სტუდენტები და პროფესორ-მასწავლებლები.

მიმდინარე წლის ოქტომბერში აჭარის განათლების, კულტურისა და სპორტის სამინისტროს მახარდაჭერითა და დაფინანსებით "უმაღლესი განათლების ხელშეწყობის" პროგრამის ფარგლებში ხელოვნების უნივერსიტეტის კინორეჟისურის სპეციალობის სტუდენტებისათვის ჩატარდა მასტერკლასები დრამატურგიასა და რეჟისურის ოსტატობაში. პირველ ეტაპზე დრამატურგმა ირაკლი სოლომონაშვილმა ჩაატარა მასტერკლასები „კინოსცენარზე მუშაობის თეორიასა და პრაქტიკაში“. სტუდენტებს საშუალება ჰქონდათ გაცნობოდნენ სცენარზე მუშაობის სპეციფიკას, საერთაშორისო სტანდარტებისა და მოთხოვნების შესაბამისად სცენარის შესრულებისა და წარდგენის ეტაპებს. რეჟისორისა და სცენარისტის ერთობლივი მუშაობის სპეციფიკასა და სხვა აქტუალურ საკითხებს. დრამატურგმა საკუთარი გამოცდილება გაუზიარა სტუდენტებს. სტუდენტებს მიეცათ პრაქტიკული დავალებები, მასტერკლასზე მნიშვნელოვანი დრო დაეთმო სტუდენტთა მიერ წარმოდგენილი სცენარების განხილვასა და ანალიზს.

აჭარის განათლების, კულტურისა და სპორტის სამინისტროს მხარდაჭერითა და ავსტრიული მხარის მოწვევითა და ორგანიზებით 21 ოქტომბერს, ავსტრიის ქალაქ კრემსში, გალერეა „დალიკო“-ში ბათუმის ხელოვნების უნივერსიტეტის პედაგოგის, ბექა ბოლქვაძის პერსონალური გამოფენა მოეწყო. ქართველი ხელოვანის ფერწერულ ტილოებთან ერთად წარმოდგენილი იყო ავსტრიელი ფოტოგრაფის, უში ოსვალდის ბათუმში გადაღებული ფოტოები.

გაცნობებთ, რომ 23 ოქტომბერს, თბილისში ჩატარდება განათლების საერთაშორისო გამოფენა. გამოფენა ტარდება მათთვის, ვინც დაინტერესებულია საზღვარგარეთ სწავლით, სტიპენდიებისა და გრანტების მიღებით, სტაჟირებით, საზაფხულო სკოლებით და სხვადასხვა სასწავლო პროგრამით. გამოფენაში მონაწილეობას მიიღებენ მსოფლიოს სხვადასხვა ქვეყნის კერძო და სახელმწიფო სასწავლებლები, საერთაშორისო ორგანიზაციები, საელჩოები, და საგანმანათლებლო სააგენტოები.

გაერთიანებული ერების ადამიანის უფლებათა უმაღლესი კომისრის ოფისი სამხრეთ კავკასიაში (Office of the High Commissioner for Human Rights in South Caucasus UN OHCHR) აცხადებს ესეების კონკურსს სტუდენტებისათვის ადამიანის უფლებათა დაცვის საერთაშორისო დღესთან დაკავშირებით.