ბათუმის ხელოვნების სახელმწიფო უნივერსიტეტში კომპანია ZOOMMER -ის თანამშრომელთა შერჩევისა და განვითარების სპეციალისტი რუსკა მელანაშვილი გამართავს შეხვედრას სტუდენტებთან კომპანიის ახლოს გასაცნობად და აქტიური ვაკანსიების გასაცნობად. შეხვედრის ფარგლებში კომპანიის წარმომადგენელი ისაუბრებს შემდეგ საკითხებზე: ზუმერი, როგორც დამსაქმებელი, შეთავაზებები/ბენეფიტები თანამშრომლებისთვის, შიდა აქტივობები, აქტიური ვაკანსიები (ოფისი, ფილიალები), სტაჟირების პროგრამები.
შეხვედრის თარიღი 26 მარტი,14:00 საათი. მესამე სართული აუდიტორია № 330
არ გამოტოვოთ შესაძლებლობა დაამყაროთ პირდაპირი კონტაქტი დამსაქმებელთან და ისაუბროთ თქვენთვის საინტერესო საკითხებზე.
გთხოვთ დაესწროთ შეხვედრას.

20 მარტს, 13:00 საათზე, 330-ე აუდიტორიაში (მე-3 სართული) გაიმართება საინფორმაციო შეხვედრა პირველი, მეორე და მესამე კურსის ყველა სპეციალობის სტუდენტებისთვის საერთაშორისო გაცვლითი პროგრამების შესახებ.
შეხვედრაზე სტუდენტები გაეცნობიან:
საზღვარგარეთ სწავლის შესაძლებლობებს და პარტნიორ უნივერსიტეტებს;
დაფინანსების სხვადასხვა გზებსა და სტიპენდიების მოპოვების შესაძლებლობებს;
საერთაშორისო გაცვლით პროგრამებში მონაწილეობის მისაღებად საჭირო დოკუმენტაციას;
სააპლიკაციო პროცედურებსა და ვადებს;
სტუდენტური პორტფოლიოს შედგენის წესებს;
ინგლისური ენის ინსტიტუციური ტესტირების დეტალებს;
წარსულში გაცვლით პროგრამებში მონაწილე სტუდენტების გამოცდილებას.
დასწრება თავისუფალია ყველა დაინტერესებული სტუდენტისთვის!