25 მაისს ბათუმის ხელოვნების სახელმწიფო უნივერსიტეტში გაიმართა საჯარო ლექცია - „რელიგიური ტურიზმის განვითარების პერსპექტივები აჭარაში“. ლექციის ფარგლებში საზოგადოება გაეცნო აჭარაში რელიგიური ტურიზმის განვითარების შესაძლებლობებს, მის კულტურულ და საგანმანათლებლო მნიშვნელობას, ასევე რელიგიური მემკვიდრეობის როლს რეგიონის ტურისტული პოტენციალის გაძლიერებაში.

ლექციას უძღვებოდა ბათუმის ხელოვნების სახელმწიფო უნივერსიტეტის ასოცირებული პროფესორი ნინო ხარჩილავა. შეხვედრას ესწრებოდნენ ბათუმის ხელოვნების სახელმწიფო უნივერსიტეტის რექტორი, ბატონი მამუკა ალაფიშილი, განათლების, ჰუმანიტარულ და სოციალურ მეცნიერებათა ფაკულტეტის სტუდენტები, პედაგოგები  და ბათუმის №15 საჯარო სკოლის XI კლასის მოსწავლეები.