თარიღი: 2025 წლის 16 ოქტომბერი დრო: 14:00 ადგილი: 420-ე აუდიტორია (მე-3 სართული)
ბათუმის ხელოვნების სახელმწიფო უნივერსიტეტი იწვევს სტუდენტებს საერთაშორისო გაცვლითი პროგრამების საინფორმაციო შეხვედრაზე, რომლის მიზანია სტუდენტებისთვის საზღვარგარეთ სწავლის, სტიპენდიებისა და საერთაშორისო გამოცდილების შესაძლებლობების გაცნობა. შეხვედრის ფარგლებში მონაწილეები მიიღებენ დეტალურ ინფორმაციას შემდეგ თემებზე:
• საზღვარგარეთ სწავლისა და დაფინანსების შესაძლებლობები;
• სტიპენდიების მოპოვების გზები;
• საერთაშორისო გაცვლით პროგრამებში მონაწილეობის პირობები;
• სააპლიკაციო პროცედურები და ვადები;
• ინგლისური ენის ინსტიტუციური ტესტირების თავისებურებები;
• სტუდენტების გამოცდილება, რომლებმაც უკვე ისარგებლეს გაცვლითი პროგრამებით.
ასევე, ღონისძიების მეორე ნაწილში წარმოდგენილი იქნება სტუდენტთა კარიერული მხარდაჭერისა და პროექტების მართვის განყოფილების საქმიანობა. სტუდენტებს მიეწოდებათ ინფორმაცია:
• სტუდენტური პორტფოლიოს მართვის შესახებ;
• მიმდინარე და დაგეგმილ პროექტებში ჩართვის შესაძლებლობებზე;
• უნივერსიტეტშივე კარიერული განვითარების დაწყების გზებზე.
ნუ გამოტოვებ შანსს — გაიგე ყველაფერი, რაც გჭირდება შენი საერთაშორისო და პროფესიული განვითარების დასაწყებად!

სტუდენტებო და დაინტერესებულო პირებო,
ბხსუ სტუდენტთა კარიერული მხარდაჭერისა და პროექტების მართვის განყოფილების მხარდაჭერით, კიბერაკადემიის წარმომადგენლები წარმოგიდგენენ ინოვაციური პროექტის – „3D მოდა“ – პრეზენტაციას.
შეხვედრა განკუთვნილია მოდის დიზაინის პროგრამის სტუდენტებისთვის და ყველა დაინტერესებული პირისთვის, ვინც ციფრული მოდელირებითა და მოდის ინდუსტრიაში ტექნოლოგიური ტრენდებით არის დაინტერესებული.
პროექტის შესახებ:
პრეზენტაციაზე განხილული იქნება:
პროექტის იდეა, არსი და მიზნობრიობა
3D მოდელირების ტექნოლოგიების დანერგვის მნიშვნელობა მოდის ინდუსტრიაში
ციფრული ტრანსფორმაციის როლი მომავალი დიზაინერების პროფესიულ განვითარებაში
პრაქტიკული შესაძლებლობები სტუდენტებისთვის და ახალბედა პროფესიონალებისთვის
რატომა არის ეს პროექტი მნიშვნელოვანი?
თანამედროვე მოდის ინდუსტრია ტექნოლოგიებზე გადადის.
ციფრული ტრანსფორმაცია ზრდის მოთხოვნას კვალიფიციურ კადრებზე, რომლებსაც ექნებათ უნარი შექმნან ინოვაციური, ეფექტური და ეკომეგობრული პროდუქტები.
3D მოდელირების პროგრამა სტუდენტებს სთავაზობს შესაძლებლობას:
უმოკლეს დროში შექმნან სამოსისა და აქსესუარების ციფრული მოდელები;
დააკავშირონ დიზაინი ტექნოლოგიებთან;
მიიღონ პრაქტიკული ცოდნა გლობალურად კონკურენტუნარიან სფეროში;
კურსდამთავრებულების გამოცდილება
შეხვედრას დაესწრებიან პროექტის კურსდამთავრებულები ჩვენი უნივერსიტეტიდან, რომლებიც პირადად გაგიზიარებენ:
თავიანთ გზას პროექტში ჩართვიდან დღემდე;
პროფესიულ გამოწვევებსა და წარმატებებს;
როგორ დაეხმარათ პროექტი კარიერული განვითარების გზაზე.
ადგილი და დრო — ბხსუ აუდიტორის №420 დრო: 13:00
გამოიყენე შანსი, იყავი ციფრული მოდის მომავალი!