გრძელდება გიორგი გარაყანიძის სახელობის ფოლკლორული და სასულიერო მუსიკის ბათუმის X საერთაშორისო ფესტივალი. დღეს ფესტივალის პროგრამის ფარგლებში ნაჩვენები იყო ხელოვნების უნივერსიტეტის პროფესორ-ემერიტუსის ქეთევან გოგოლაძის დოკუმენტური ფილმი სახელწოდებით "პიტერ გოლდი სტუმრად "აიდიოსთან".ფილმი ასახავს ინდიანას უნივერსიტეტის ეთნომუსიკოლოგის, ანთროპოლოგის პიტერ გოლდის შეხვედრას მუსიკის ფაკულტეტის სტუდენტებთან 2012 წლის ოქტომბერში. აღსანიშნავია, რომ ამერიკელმა ეთნომუსიკოლოგმა ვიდეოზე ჩაიწერა ანსამბლის მიერ შესრულებული ყველა სიმღერა.

2 ნოემბერს გაიხსნა და 4 ნომბერამდე გაგრძელდება ხელოვნების უნივერსიტეტის მუსიკის ფაკულტეტის ინიციატივითა და ქალაქ ბათუმის მერიის ფინანსური მხარდაჭერით გიორგი გარაყანიძის სახელობის ფოლკლორული და სასულიერო მუსიკის ბათუმის X საერთაშორისო ფესტივალი. ფესტივალის პროგრამაშია სამდღიანი სამეცნიერო კონფერენცია, ფოლკლორული და სასულიერო მუსიკის კონცერტები, მასტერკლასები, ვორქშოფები, დოკუმენტური ფილმების ჩვენება.(იხ.პროგრამა სრულად)

ქ. ბათუმის მუნციპალიტეტის მერის ადმინისტრაციის სპორტისა და ახალგაზრდობის განყოფილება ატარებს „სტუდენტ-ახალგაზრდულ“ დღეებს მიმდინარე წლის 2 ნოემბრიდან. დაგეგმილია სპორტული აქტიობები, შემოქმედებითი ღონისძიებები, ფოტო და ხელნაკეთი ნივთების გამოფენები, ლიტერატურული საღმოები, ფილმების ჩვენებები. მონაწილეობის მიღების მსურველებმა მიმართეთ უნივერსიტეტის სტუდენტურ თვითმმართველობას.

ბათუმის მუსიკალურ ცენტრში გაიმართა ასოცირებული პროფესორის ოლიკო ჟღენტის დოკუმენტური ფილმის „ჯორჯ ბალანჩინის“ პრემიერა, რომელსაც ესწრებოდნენ აჭარის ხელისუფლების, კულტურისა და საზოგადოებრიობის წარმომადგებლები.

მიმდინარე წლის 9 ნოემბერს, ორშაბათს 10: 30 საათზე ჩატარდება თანამედროვე იაპონური ხელოვნების-კირიეს არტისტის შუ კუბოს ვორქშოპი.(დაწვრილებით ინფორმაცია იხ.)