მიმდინარე წლის 05 ნოემბრიდან 11 ნოემბრამდე ხელოვნების უნივერსიტეტის რექტორი ე. მესხია საქმიანი ვიზიტით იმყოფებოდა ბაქოში (აზერბაიჯანი) და მონაწილეობას ღებულობდა ბაქოს IV საერთაშორისო თეატრალურ კონფერენციაში. ვიზიტის ფარგლებში გაიმართა შეხვედრები აზერბაიჯანის კულტურისა და ტურიზმის მინისტრთან და აზერბაიჯანის კულტურისა და ხელოვნების სახელმწიფო უნივერსიტეტის რექტორთან. შეხვედრებზე დაისახა უნივერსიტეტებს შორის მომავალი თანამშრომლობის ამოცანა.

მიმდინარე წლის 3 ნოემბერს უნივერსიტეტის სახვითი, სასცენო და კინო-ტელე ხელოვნების ფაკულტეტის დრამისა და კინოს სამსახიობო სპეციალობის IV კურსის სტუდენტებმა წარმოადგინეს საკურსო სპექტაკლი ანრი დანონის „პიკნიკი ქალაქქვეშ“. ჯგუფის ხელმძღვანელი - თამაზ ბოლქვაძე, ასისტენტ - პედაგოგი - მანანა ხელაია.

2 ნოემბერს ხელოვნების უნივერსიტეტში გაიმართა შეხვედრა უნივერსიტეტის რექტორ ერმილე მესხიასა და ქ. ბათუმის ტურიზმის ინსტიტუტის დირექტორ მამუკა ბერძენიშვილს შორის.

4 და 5 ნოემბერს ბათუმის ხელოვნების სასწავლო უნივერსიტეტის მუსიკის ფაკულტეტი გიორგი გარაყანიძის სახელობის ფოლკლორული და სასულიერო მუსიკის ბათუმის XI საერთაშორისო ფესტივალს უმასპინძლებს. ფესტივალის ფარგლებში სამეცნიერო კონფერენცია, ფოლკლორული და სასულიერო მუსიკის კონცერტები და დოკუმენტური ფილმების ჩვენება გაიმართება. ორი დღის განმავლობაში ქართველი და უცხოელი მეცნიერები და შემსრულებლები სხვადასხვა ქვეყნის ტრადიციულ მუსიკასა და მასთან დაკავშირებულ სამეცნიერო კვლევებს გაეცნობიან.

მიმდინარე წლის 2 და 3 ნოემბერს გიწვევთ უნივერსიტეტის სახვითი, სასცენო და კინო-ტელე ხელოვნების ფაკულტეტის დრამისა და კინოს სამსახიობო სპეციალობის IV კურსის საკურსო სპექტაკლზე ანრი დანონის „პიკნიკი ქალაქქვეშ“. ჯგუფის ხელმძღვანელი _ თამაზ ბოლქვაძე, ასისტენტ - პედაგოგი - მანანა ხელაია. დასაწყისი 15-00 საათზე. სასწავლო თეატრის მცირე დარბაზი. პირველი სართული. აუდიტორია 11.