აჭარის განათლების, კულტურისა და სპორტის სამინისტრო „სტუდენტთა დახმარების“ ქვეპროგრამის ფარგლებში 2016 წელს ჩარიცხულ უმაღლეს საგანმანათლებლო დაწესებულებებში აკრედიტებულ საბაკალავრო და სამაგისტრო პროგრამებზე ჩარიცხული სტუდენტების დაფინანსებისთვის აცხადებს კონკურსს. სამინისტროში განცხადებების მიღების ვადები განისაზღვრა 2017 წლის 13 თებერვლიდან / 2 მარტის ჩათვლით.

მიმდინარე წლის 17 იანვარს შედგა ხელოვნების ისტორიისა და თეორიის დეპარტამენტის პროფესორ-მასწავლებელთა შეხვედრა აჭარის კულტურული მემკვიდრეობის დაცვის სააგენოს წარმომადგენლებთან.

ხელოვნების უნივერსიტეტს აჭარის განათლების, კულტურისა და სპორტის მინისტრი ინგა შამილიშვილი ეწვია. შედგა შეხვედრა უნივერსიტეტის ხელმძღვანელობასთან. რექტორმა მინისტრს 2017 წელს განსახორციელებელი პროექტები გააცნო. განსაკუთრებით აღინიშნა სამინისტროსა და უნივერსიტეტს შორის გაფორმებული ურთიერთთანამშრომლობის მემორანდუმის საფუძველზე ხელოვნების უნივერსიტეტის არქიტექტურის სპეციალობის სტუდენტთა მიერ მომზადებული არქიტექტურული პროექტების მნიშვნელობა. მინისტრმა სურვილი გამოთქვა მომავალშიც გაგრძელდეს თანამშრომლობის მსგავსი პრაქტიკა და მხარდაჭერა აღუთქვა სტუდენტებსა და პროფესორ-მასწავლებლებს. მინისტრს თან ახლდნენ მინისტრის მოადგილე თ. ბერიძე და სხვა პასუხისმგებელი პირები.

გაიმართა შეხვედრა იმ ორგანიზაციების წარმომადგენლებთან, რომლებიც მთელი წლის განმავლობაში აქტიურად თანაშრომრომლობდნენ ა(ა)იპ შეზღუდული შესაძლებლობების მქონე პირთა უფლებებისათვის ორგანიზაციასთან. ა(ა)იპ „შეზღუდული შესაძლებლობების მქონე პირთა უფლებებისათვის“ სამეთვალყურეო საბჭოს თავმჯდომარემ თამაზ მჟავანაძემ ტრადიციულ შემაჯამებელ სხდომაზე მადლობა გადაუხადა და სიგელი გადასცა სსიპ-ბათუმის ხელოვნების სასწავლო უნივერსიტეტს „2016 წლის საუკეთესო მხარდაჭერისა და პარტნიორობისათვის“.

12 დეკემბერს, ქ. თელავში ბათუმის ხელოვნების უნივერსიტეტის რექტორმა ე.მესხიამ და თელავის სახელმწიფო უნივერსიტეტის რექტორმა ი.შიოშვილმა ხელი მოაწერეს უნივერსიტეტებს შორის ურთიერთთანამშრომლობის მემორანდუმს.