ბათუმის ხელოვნების უნივერსიტეტში გერმანიის, ქალაქ კარლსრუეს ხელოვნების სახელმწიფო მუზეუმის მენეჯერი ოტმარ ბიომერი სამუზეუმო მენეჯმენტის საკითხებთან დაკავშირებით სემინარებს ჩაატარებს. სემინარები 14 ოქტომბრამდე გაგრძელდება. სემინარებში მონაწილეობას მიიღებს რეგიონში არსებული სამუზეუმო სფეროს 25-მდე წარმომადგენელი. სემინარები აჭარის განათლების, კულტურისა და სპორტის სამინისტროს პროგრამის - „კულტურული ცხოვრების გააქტიურება და პოპულარიზაცია“ - ფარგლებში დაფინანსდა.

ანიმაციური ფილმების მე-7 საერთაშორისო ფესტივალის პროგრამის ფარგლებში უნივერსიტეტს გერმანიიდან სტუმრად ეწვია კომიქსებისა და ანიმაციური ფილმების ავტორი არტურ კლოზე. რექტორსა და საპატიო სტუმარს შორის გაიმართა საუბარი მომავალი თანამშრომლობის შესახებ. შეხვედრაში მონაწილეობდა უნივერსიტეტის სასწავლო თეატრის სამხატვრო ხელმძღვანელი, ასოცირებული პროფესორი თ. ბოლქვაძე.

ირანის ისლამური რესპუბლიკის გენერალურ საკონსულოს დაგეგმილი აქვს სპარსული ენის შემსწავლელი კურსების გახსნა. სწავლება იწარმოებს საწყისი ეტაპიდან. სწავლა უფასოა. დაინტერესებულმა სტუდენტებმა მიმართეთ ხელოვნების უნივერსიტეტის სტუდენთა მომსახურების განყოფილებას. მე-2 სართული, ოთახი 42. რეგისტრაცია იწარმოებს 12-დან 23 ოქტომბრამდე.

ხელი მოეწერა ურთიერთთანამშრომლობის მემორანდუმს ბათუმის ხელოვნების უნივერსიტეტსა და ქუთაისის
აკაკი წერეთლის სახელობის უნივერსიტეტს შორის.

ხელი მოეწერა ურთიერთთანამშრომლობის მემორანდუმს ბათუმის ხელოვნების უნივერსიტეტსა და ქუთაისის
სახელმწიფო ისტორიულ მუზეუმს შორის.