თეირანის მერია ქალთა ცხოვრების ხარისხის გაუმჯობესების მიზნით, მიმდინარე წლის 21-22 დეკემბერს მართავს პირველ საერთაშორისო კონფერენციას ქალთა საქალაქო ცხოვრების თემაზე (First International Conference on Women and Urban Life). დაწვრილებითი ინფორმაცია იხილეთ საიტზე: www.wulconf.com

საქართველოს კინემატოგრაფიის ეროვნული ცენრტის მიერ გამოცხადებული „სრულმეტრაჟიანი ფილმის 2016-2017 წლის წარმოების დაფინანსების კონკურსის“ საბოლოო შედეგების მიხედვით პირველი ადგილი მოიპოვა ხელოვნების უნივერსიტეტის პროფესორის, რეჟისორ ზაზა ხალვაშის სცენარმა სახელწოდებით „ნამე“. ვულოცავთ ბატონ ზაზას და შემდგომ წარმატებებს ვუსურვებთ!

აჭარის ხელოვნების მუზეუმში გაიმართა საქართველოს დამსახურებული პედაგოგის, ხელოვნების უნივერსიტეტის მუსიკის ფაკულტეტის პროფესორის თამაზ ცერიაშვილის ნამუშევრების გამოფენა. წარმოდგენილი იყო, როგორც ფერწერული და გრაფიკული ნამუშევრები, ასევე ზღვის ქვებისა და ბუნებრივი მასალებისგან შესრულებული კომპოზიციები. შემდეგ გაიმართა კონცერტი, რომელშიც მონაწილეობდნენ მისი აღზრდილები, რომლებიც წარმატებით აგრძელებენ სწავლას და შემოქმედებით საქმიანობას საქართველოსა და მის ფარგლებს გარეთ: მარიამ ფირცხალაიშვილი, ასლან დიასამიძე, ეთერ ხალვაში, ლელა ვაშაყმაძე, ხათუნა დონდუა, სალომე სალაძე. კონცერტში მონაწილეობდნენ ცნობილი მომღერლები ირაკლი კახიძე და ბაჩო ნაკაშიძე.

განათლების ხელმისაწვდომობის გაზრდის მიზნით აჭარის ავტონომიური რესპუბლიკის განათლების, კულტურისა და სპორტის სამინისტრო 2016 წელს საბაკალავრო და სამაგისტრო საგანმანათლებლო პროგრამებზე ჩარიცხული სტუდენტების დაფინანსებისთვის აცხადებს კონკურსს.

სტუდენტთა დასაქმების ხელშეწყობის მიზნით საქართველოს შრომის, ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტო დასაქმების მსურველ სტუდენტებს სთავაზობს თვისუფალი ვაკანსიების ჩამონათვალს. დაწვრილებითი ინფორმაციისათვის იხ.: www.worknet.gov.ge. დამატებითი ინფორმაციისთვის მიმართეთ დასაქმების პროგრამის თანამშრომელს თემურ ჯგერენაიას, ტელ.:555 73 85 73, ელ.ფოსტა: tjgerenaia@ssa.gov.ge