გაიმართა სან-ფრანცისკოელი და ბათუმელი სტუდენტების ერთობლივი პროექტის ბათუმური პრემიერა. ოთხი თვე ბათუმის ხელოვნების უნივერსიტეტისა და სან-ფრანცისკოს ხელოვნების ინსტიტუტის კინოხელოვნების სპეციალობის სტუდენტები პროფესორების ზაზა ხალვაშისა და ქრისტოფერ კოპოლას ხელმღვანელობით „skype“-ს მეშვეობით ერთობლივ ქართულ-ამერიკულ პროექტზე მუშაობდნენ.

23-24 მაისს ჩიკაგოს კოლუმბიის (აშშ) კოლეჯის პროფესორმა, კულტურის საკონსულტაციო სამსახურის მმართველმა დირექტორმა დენის რიჩიმ ჩაატარა მასტერკლასი თემაზე: "სპონსორობა და თანხების მოზიდვა კულტურის სფეროში".

დღეს ხელოვნების უნივერსიტეტის სტუდენტებისათვის მხატვრული, მოკლემეტრაჟიანი და დოკუმენტური ფილმების წარმოების დაფინანსების კონკურსის პრეზენტაცია გაიმართა, რომელიც „აჭარაში კინოხელოვნების განვითარების ხელშეწყობის“ პროგრამის ფარგლებში მიმდინარეობს. კონკურსში მონაწილეობის მსურველთა ასაკობრივი შეზღუდვა არ არსებობს, აქედან გამომდინარე კონკურსის პირობების დაკმაყოფილების შემთხვევაში მასში მონაწილეობა სტუდენტებსაც შეუძლიათ.
მსურველებს დაწვრილებით საკონკურსო პირობების, განაცხადის ფორმის დასხვა საჭირო ინფორმაციის ხილვა აჭარის განათლების, კულტურისა და სპორტის სამინისტროს ვებ-გვერდზე შეუძლიათ http://moecs.ge/?menuid=224&lang=1

ხელოვნების უნივერსიტეტის მუსიკის ფაკულტეტის სტუდენტები მარიზა აფხაზავა და ნათია სარჯველაძე, რომლებიც მონაწილეობდნენ საქართველოს ხელოვანთა კავშირის მიერ გამართულ კლასიკური მუსიკის მე-7 რესპუბლიკურ (მე-3 საერთაშორისო) ფესტივალში "მომავლის ვარსკვლავები-2014", დაჯილდოვდნენ დიპლომებით „საუკეთესო საშემსრულებლო ოსტატობისათვის და მიენიჭათ ლაურეატის წოდება“. ამავე ფაკულტეტის პედაგოგს გულნარა ახვლედიანს, გადაეცა „მომავლის ვარსკვლავები-2014“ დიპლომი „მაღალი პროფესიონალიზმისა და წარმატებული მონაწილეობისათვის“.

19 მაისს გაიხსნა და დღეს დასრულდა "თანამედროვე მუსიკის ფესტივალი", რომელშიც მონაწილეობდნენ თბილისის ვ. სარაჯიშვილის სახელმწიფო კონსერვატორიის, ილიას სახელმწიფო უნივერსიტეტისა და ხელოვნების უნივერსიტეტის მუსიკის ფაკულტეტის სტუდენტები და პროფესორ-მასწავლებლები. დღეს გაიმართა კონცერტი თბილისის სახელმწიფო კონსერვატორიის სტუდენტთა მონაწილეობით. დასასრულს ნაჩვენები იყო ფილმი „სურამის ციხე“ რეჟ. ი. პერესტიანი, გახმოვანება ნათია სარაჯიშვილის.