2013 წლის შემოდგომის პროფესიული ტესტირება ჩატრდება 17 ოქტომბერს 9:00 საათზე.
გამოცდის ჩატარების ადგილი და დრო მითითებული იქნება საგამოცდო ბარათზე, რომელსაც აპლიკანტები რეგისტრაციის დროს მითითებულ მისამართზე მიიღებენ.
ბარათისა და პირადობის მოწმობის გარეშე აპლიკანტი გამოცდაზე არ დაიშვება.

2013 წლის 29 სექტემბრიდან 5 ოქტომბრამდე ერაყის ქურთისტანის ხელოვანთა გაერთიანების მიწვევით უნივერსიტეტის რექტორი ე. მესხია და მუსიკის ფაკულტეტის ასოცირებული პროფესორი მ. ალაფიშვილი სამუშაო ვიზიტით იმყოფებოდნენ ქურთისტანის ქალაქ ერბილში.

ხელოვნების უნივერსიტეტის სახვითი ხელოვნების სპეციალობის სტუდენტებისათვის თბილისის სამხატვრო აკადემიის დოქტორანტმა ანა ლაღიძემ ჩაატარა მასტერკლასი მშრალ თექაში. სტუდენტებს საშუალება ჰქონდათ საკუთარი ხელით შეესრულებინათ კომპოზიციები.აღნიშნული მასტერკლასი ჩატარდა ქალაქ ბათუმის მერიის ხელოვანთა ხელშეწყობის პროგრამის ფარგლებში.

მიმდინარე წლის 28 სექტემბერს, შაბათს 14-00 საათზე მოეწყობა ხელოვნების უნივერსიტეტის სტუდენტთა ფოტოგამოფენა. 15-00 საათზე გაიმართება თბილისის სახელმწიფო სამედიცინო უნივერსიტეტის სპორტისა და ხელოვნების ცენტრის კლასიკური მუსიკის განყოფილების კონცერტი. პროგრამაშია ჩაიკოვსკის, შტრაუსის, შოპენის, ბელინის, ბახისა და სხვა კომპოზიტორთა ნაწარმოებები. დასწრება თავისუფალია.

ხელოვნების უნივერსიტეტს სტუმრად ეწვია თბილისის სამედიცინო უნივერსიტეტის სპორტისა და ხელოვნების ცენტრის კლასიკური მუსიკის განყოფილების სტუდენტები. გაიმართა კონცერტი. კონცერტის დასრულების შემდეგ უნივერსიტეტის რექტორმა, პროფესორმა ერმილე მეხიამ მადლობა გადაუხადა სტუმრებს და სერთიფიკატები გადასცა ყველა მონაწილეს. ერთობლივი შემოქმედებითი პროექტის ორგანიზატორმა, საფორტეპიანო განყოფილების ხელმძღვანელმა გოდერძი ჩიტაიშვილმა მადლობა გადაუხადა მასპინძლებს გულთბილი მიღებისთვის. (პროგრამა).