„აჭარაში კინოხელოვნების განვითარების ხელშეწყობის“ პროგრამის ფარგლებში ბათუმელი რეჟისორის, ხელოვნების უნივერსიტეტის კურსდამთავრებულისა და ამავე უნივერსიტეტის კინო-ტელე ხელოვნების დეპარტამენტის პედაგოგის შოთა გუჯაბიძის მოკლემეტრაჟიანი ფილმის - „რატომ არ მოველ წვიმადა“ - გადაღებები მიმდინარეობს. ფილმის შემოქმედებითი ჯგუფი ძირითადად ადგილობრივი კინოხელოვანებით არის დაკომპლექტებული და გადაღებების პროცესში ბათუმის ხელოვნების სასწავლო უნივერსიტეტის სტუდენტები აქტიურად არიან ჩართული. აჭარაში კინოხელოვნების განვითარების ხელშეწყობის პროგრამას აჭარის ა.რ. განათლების კულტურისა და სპორტის სამინისტრო უკვე მეორე წელია ახორციელებს და მისი ძირითადი მიზანი რეგიონში კინოწარმოების და კინოგანათლების ხელშეწყობაა.

26-27 ნოემბერს სახვითი ხელოვნების დეპარტამენტის სტუდენტებთან ასისტენტ-პროფესორმა ბექა ბოლქვაძემ ჩაატარა მასტერკლასი - „ჩანახატი“ და გამოფენა -პრეზენტაცია „პორტრეტი“.

28 ნოემბერს 17-00 საათზე ხელოვანთა კლუბი გიწვევთ მოყვარული მხატვრების ნამუშევართა გამოფენაზე.

თბილისის აპ. ქუთათელაძის სახელობის სამხატვრო აკადემიაში გაიმართა ხელოვნების უნივერსიტეტის ემერიტუსის ვახტანგ (ბესო) ბესელიას პერსონალური გამოფენა

24-25-ნოემბერს ბათუმის ხელოვნების სასწავლო უნივერსიტეტში გაიმართა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის მეცნიერის, საქართველოს კულტურული მემკვიდრეობის დაცვის ფონდის ექსპერტ-არქიტექტორის, თბილისის აპ. ქუთათელაძის სახელობის სამხატვრო აკადემიის პროფესორის მაია მანიას საჯარო ლექციები თემაზე: თბილისის არქიტექტურული და ურბანული მემკვიდრეობა; მოდერნის სტილი XX საუკუნის დასაწყისის თბილისის არქიტექტურაში. პროექტი განხორციელდა აჭარის განათლების, კულტურისა და სპორტის სამინისტროს უმაღლესი განათლების ხელშეწყობის პროგრამის ფარგლებში. მაია მანიამ უნივერიტეტის სტუდენტებს, პროფესორ-მასწავლებლებსა და საზოგადოების ფართო წრის წარმომადგენლებს გააცნო ძველი თბილისის ურბანული ღირებულებების ამსახველი უნიკალური მასალები და უახლესი კვლევები. მაია მანიას სამენიერო კვლევის სფეროს წარმოადგენს თბილისისა და სხვა ქართული ქალაქების არქიტექტურის ისტორია, ქალაქის ურბანული განვითარების, რესტავრაციის პრობლემები. იგი ოცდახუთამდე სტატიისა და მონოგრაფიების (ევროპელი არქიტექტორები თბილისში, 2006; თბილისის გეოფიზიკური ობსერვატორია, ისტორია და არქიტექტურა, 2010) ავტორია.