4 ნოემბერს ხელოვნების უნივერსიტეტში გაიხსნა და 6 ნოემბრის ჩათვლით გაგრძელდება გიორგი გარაყანიძის სახელობის ფოლკლორული და სასულიერო მუსიკის ბათუმის IX საერთაშორისო ფესტივალი და სამეცნიერო კონფერენცია. ფესტივალში მონაწილეობენ საქართველოს, უკრაინის, ლიტვისა და თურქეთის ფოლკლორული ანსამბლები და მეცნიერ-მკვლევარები. ფოლკლორული და სასულიერო მუსიკის ფესტივალის საკონცერტო პროგრამა 4,5 და 6 ნოემბერს წარმოდგენილი იქნება ბათუმის შოთა რუსთაველის სახელმწიფო უნივერსიტეტის საკონცერტო დარბაზში (იხ.პროგრამა). ფესტივალის ორგანიზატორები არიან ბათუმის ხელოვნების უნივერსიტეტის მუსიკის ფაკულტეტი და ქ. ბათუმის მერია.

30-31 ოქტომბერს, ქალაქ ბათუმის მუნიციპალიტეტის მერიის ორგანიზებით მეორედ ჩატარდა ,,ბათუმის სტუდენტური ფესტივალი". ღონისძიების ფარგლებში მოწვეული იყვნენ სტუდენტები საქართველოს სხვადასხვა ქალაქების სასწავლებლებიდან.
30 ოქტომბერს გაიმართა ფილმების ჩვენება - ქ. ბათუმის ხელოვნების უნივერსიტეტში; ფოტო გამოფენა ბათუმის საზაფხულო თეატრში;
ფესტივალში მონაწილე სტუდენტების შემაჯამებელი საღამო ჩატარდა საზაფხულო თეატრში.

31 ოქტომბერს - ფესტივალის დასკვნით დღეს გაიმართა გალა-კონცერტი - ქ. ბათუმის საზაფხულო თეატრში.

კონცერტში ასევე მონაწილეობდნენ: Family Band; ,,City Band"; ნონა გიუნაშვილი - ქვიშაზე ხატვა

ხელი მოეწერა ურთიერთთანამშრომლობის მემორანდუმს ბათუმის ხელოვნების უნივერსიტეტსა და ლვოვის (უკრაინა) ხელოვნების ეროვნულ აკადემიას შორის

თბილისის საერთაშორისი კინოფესტივალი იწყებს აპლიკაციების მიღებას ფიჩინგის ტრენინგზე, რომელიც 2014 წლის 1-3 დეკემბერს გაიმართება.
ტრენინგი გამიზნულია ქართული ან ერთობლივი წარმოების სრულმეტრაჟიანი მხატვრული ფილმების პროექტებისთვის, კინოთეატრებში ჩვენების პოტენციალით.
ვორქშოფის მიზანია პროდიუსერების, რეჟისორების და სცენარისტების მომზადება იმისთვის, რომ მათ შეძლონ საკუთარი პროექტების პროფესიული და დამაჯერებელი პრეზენტაცია პროდიუსერების, პოტენციური ინვესტორების და დისტრიბუტორების წინაშე.

ბათუმის ხელოვნების უნივერსიტეტის კურსდამთავრებულის, ბათუმელი დიზაინერის გოგა ნიქაბაძის კოლექციის ჩვენება მოეწყო მოსკოვში. „მერსედეს ბენცის“ Fashion Week-ზე მოდის კვირეულში 70-ზე მეტი რუსი და უცხოელი დიზაინერი მონაწილეობს. გოგა ნიქაბაძე საკუთარ კლექციას „მერსედეს ბენცის“ Fashion Week-ზე უკვე მესამედ წარადგენს.