24-25-ნოემბერს ბათუმის ხელოვნების სასწავლო უნივერსიტეტში გაიმართა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის მეცნიერის, საქართველოს კულტურული მემკვიდრეობის დაცვის ფონდის ექსპერტ-არქიტექტორის, თბილისის აპ. ქუთათელაძის სახელობის სამხატვრო აკადემიის პროფესორის მაია მანიას საჯარო ლექციები თემაზე: თბილისის არქიტექტურული და ურბანული მემკვიდრეობა; მოდერნის სტილი XX საუკუნის დასაწყისის თბილისის არქიტექტურაში. პროექტი განხორციელდა აჭარის განათლების, კულტურისა და სპორტის სამინისტროს უმაღლესი განათლების ხელშეწყობის პროგრამის ფარგლებში. მაია მანიამ უნივერიტეტის სტუდენტებს, პროფესორ-მასწავლებლებსა და საზოგადოების ფართო წრის წარმომადგენლებს გააცნო ძველი თბილისის ურბანული ღირებულებების ამსახველი უნიკალური მასალები და უახლესი კვლევები. მაია მანიას სამენიერო კვლევის სფეროს წარმოადგენს თბილისისა და სხვა ქართული ქალაქების არქიტექტურის ისტორია, ქალაქის ურბანული განვითარების, რესტავრაციის პრობლემები. იგი ოცდახუთამდე სტატიისა და მონოგრაფიების (ევროპელი არქიტექტორები თბილისში, 2006; თბილისის გეოფიზიკური ობსერვატორია, ისტორია და არქიტექტურა, 2010) ავტორია.

აშშ-ის საელჩო აცხადებს საზაფხულო გაცვლით პროგრამას სტუდენტებისათვის!
სააპლიკაციო ვადა 2014 წლის 19 დეკემბერს იწურება.
დეტალები იხილეთ ბმულზე: http://1.usa.gov/1F6Z6Dy

ბათუმის ხელოვნების უნივერსიტეტის, ილიას სახელმწიფო უნივერსიტეტის ხელოვნების სამეცნიერო-კვლევითი ინსტიტუტისა და ფონდი „კავკასიას“ ერთობლივი პროექტით ინგლისელი მწერლის უილიამ შექსპირის დაბადების 450 წლისთავისადმი მიძღვნილი ლექციების ციკლი დაიწყო, რომელსაც ილიას სახელმწიფო უნივერსიტეტის პროფესორი ლევან ხეთაგური ატარებს.

20 ნოემბერს სახვითი ხელოვნების დეპარტამენტის სტუდენტებთან პროფესორმა ნინო ნიჟარაძემ ჩაატარა მასტერკლასი ფრთმცოდნეობაში - „გიორგობისთვე“

ხელოვნების უნივერსიტეტში გაიხსნა თურქი ფოტოხელოვანის ერქუთ ონართის „მოგზაური დიპლომატის ობიექტივიდან“ ფოტოგამოფენა, რომელსაც დაესწრნენ აჭარის ავტონომიური რესპუბლიკის ხელისუფლებისა და მთავრობის, საჯარო და კერძო დაწესებულებების წარმომადგენლები. ფოტოგამოფენა მოეწყო ბათუმში თურქეთის გენერალური საკონსულოს მხარდაჭერით.