გაიმართა ინგლისური სასწავლო ცენტრის - “ETI 2000”-ის სასწავლო კურსების პრეზენტაცია. სტუდენტებმა მიიღეს ინფორმაცია ენის კურსები საზღვარგარეთ; მოსამზადებელი კურსები საზღვარგარეთ სწავლის გაგრძელების მსურველთათვის; უცხოეთის უნივერსიტეტები და კოლეჯები და სხვა.

5 მარტს სახვითი ხელოვნების დეპრტამენტის პროფესორმა ნინო ნიჟარაძემ ხელოვნების მუზეუმში ჩაატარა მასტერკლასი ფერთმცოდნეობაში "ფლორალია".

3 მარტს ქ. ოზურგეთის სამხატვრო გალერეაში გაიხსნა ბათუმში მცხოვრები გურული მხატვარი ქალების ნამუშევრების გამოფენა, რომელშიც მონაწილეობა მიიღეს ჩვენი უნივერსიტეტის პროფესორ-მასწავლებლებმა: ქეთევან ვაჩეიშვილმა, დიანა თალაკვაძემ, ქეთევან ფილიპოვამ და ამავე უნივერსიტეტის კურსდამთავრებულმა მარიკა კვაჭაძემ.

ბათუმის ხელოვნების უნივერსიტეტში კურსდამთავრებულის ერეკლე სიგუას პერსონალური ფოტოგამოფენა გაიმართა. გამოფენაზე წარმოდგენილი იყო ფირით გადაღებული ფოტოები. ფოტოგრაფისთვის ეს პირველი პერსონალური გამოფენაა.

3 მარტს ხელოვნების უნივერსიტეტში აჭარის ფინანსთა და ეკონომიკის სამინისტრომ საფეხბურთო სტადიონის პროექტები გამოფინა. გამოფენა 12 მარტამდე გაგრძელდება.
გამარჯვებულ პროექტს სპეციალურად შექმნილი საპროექტო კომისია გამოავლენს, რის შემდეგაც სამინისტრო პროექტის მშენებლობაზე გამოაცხადებს ტენდერს. საპროექტო კონკურსში 11 კომპანია მონაწილეობს.