ხელოვნების უნივერსიტეტში გაიმართა ინტელექტუალური თამაში "რა? სად? როდის?", რომელშიც მონაწილეობას ღებულობდა ბათუმის ხელოვნების სასწავლო უნივერსიტეტი, ბათუმის შოთა რუსთაველის სახელმწიფო უნივერსიტეტი და გრიგოლ რობაქიძის სახელობის უნივერსიტეტი.
გამარჯვება მოიპოვა ხელოვნების უნივერსიტეტის გუნდმა სახელწოდებით "ვაჰ".
შემადგენლობა: მარიამ ყურაშვილი, თამარ ჭაკნელიძე, გიორგი კიკნაძე, თამარ თაბუკაშვილი, ლევან ურიდია.

ხელოვნების უნივერსიტეტის თვითმმართველობა ულოცავს და წარმატებას უსურვებს ყველა მონაწილეს, განსაკუთრებით კი გამარჯვებულ ხუთეულს.

„დასაქმების სააგენტო ეიჩარის“ (www. HR.ge) კადრების შერჩევის დეპარტამენტი უკვე 6 წელია ატარებს სტუდენტებისთვის დასაქმების ფორუმს. მარტის თვეში დაგეგმილია პრეზენტაცია სპეციალურად უნივერსიტეტის სტუდენტებისათვის. დაინტერესებულმა სტუდენტებმა განაცხადის შესავსებად მიმართეთ სტუდენთა მომსახურების განყოფილებას, მე-2 სართული, ოთახი 42.

გაიმართა ხელოვნების უნივერსიტეტის განათლების, ჰუმანიტარულ და სოციალურ მეცნიერებათა ფაკულტეტის პროფესორის ერმილე მესხიას წიგნის "მუზეოლოგია" პრეზენტაცია. პრეზენტაციას ესწრებოდნენ ქ. ბათუმის მერი გ. ერმაკოვი, უმაღლესი სასწავლო დაწესებულების წარმომადგენლები, უნივერსიტეტის სტუდენტები და პროფესორ-მასწავლებლები.

გაიმართა შეხვედრა პოეტ ცისანა ანთძესთან. პოეტს მიესალმნენ ხელოვნების უნივერსიტეტის რექტორი, პროფესორი ე. მესხია, სასცენო ხელოვნების დეპარტამენტის პროფესორი თ. მეიშვილი, ამავე დეპარტამენტის პედაგოგი ნ. დავითაშვილი. პოეტმა წაიკითხა საკუთარი ლექსები, ისაუბრა შემოქმედებით საქმიანობასა და სამომავლო გეგმებზე, უპასუხა სტუდენტთა შეკითხვებს.

17 მარტს გაიმართა ფოთის სამსახტვრო სასწავლებლის მოსწავლეთა ნამუშევრების გამოფენა. ფოთის სახელოვნებო სამხატვრო სასწავლებელი 1997 წელს დაარსდა და დღეისათვის 60 მოსწავლე ჰყავს. წარმოდგენილი იყო თექა, გობელენი, კერამიკა, ხეზე კვეთისა და ნაქარგობის ნიმუშები. გამოფენაში მონაწილე მოსწავლეებს გადაეცათ სერთიფიკატები. ხელი მოეწერა ურთიერთთანამშრომლლობის მემორანდუმს.