ხელოვნების უნივერსიტეტში გაიმართა ხელოვნებათმცოდნის თამარ ამაშუკელის საჯარო ლექცია თემაზე „კულტურული მემკვიდრეობის მართვის პრობლემები“. ხელოვნებათმცოდნემ საქართველოში არსებული პრობლემები სხვადასხვა ქვეყნის მაგალითზე განიხილა.

"კუდიანის დღიურები" - ასე ჰქვია ბათუმის დრამატული თეატრის სპექტაკლს, რომლის პრემიერაც 31 იანვარს შედგა. თეატრის მცირე სცენაზე წელს ეს პირველი პრემიერაა, რომელშიც პროფესიონალი და დამწყები მსახიობები - ხელოვნების უნივერსიტეტის თეატრისა და კინოს მსახიობის სპეციალობის მეოთხე კურსის სტუდენტები (ჯგუფის ხელმძღვანელი და სპექტაკლის რეჟისორი ასოცირებული პროფესორი ა. ენუქიძე) ერთად მონაწილეობდნენ. პრემიერას აჭარის უმაღლესი საბჭოს თავმჯდომარე ა. ბერიძე და სხვა ოფიციალური პირები დაესწრნენ. სპექტაკლის ჩვენება 1, 6 და 7 თებერვალსაც გაიმართება.

აჭარის განათლების, კულტურისა და სპორტის სამინისტროს, აჭარის კულტურული მემკვიდრეობის დაცვის სააგენტოს მიერ ჩატარებულ კონკურსში სახელწოდებით „ხინოდან ხიხანამდე“ მესამე საპრიზო ადგილი მოიპოვა რეჟისურის სპეციალობის I კურსის სტუდენტმა დარეჯან ღლონტმა. გამარჯვებულ კონკურსანტს სიგელთან ერთად საჩუქრად გადაეცა მობილური ტელეფონი და წიგნი „ფოტოგრაფიის პრაქტიკული კურსი“.

ყველა თეატრალსა და თეატრის მოყვარულს, ვულოცავთ პროფესიულ დღესასწაულს, ქართული თეატრის დღეს!

გილოცავთ ქრისტეშობის ბრწყინვალე დღესასწაულს!