გაცნობებთ, რომ 17 აპრილს თბილისში, ჩატარდება „განათლების საერთაშორისო გამოფენა - თბილისი 2016“. გამოფენა ტარდება მათთვის, ვინც დაინტერესებულია ამერიკასა და ევროპაში სწავლით, სტიპენდიებისა და გრანტების მიღებით, სტაჟირებით, საზაფხულო სკოლებით, სხვადასხვა სასწავლო პროგრამით. გამოფენაში მონაწილეობას მიიღებენ მსოფლიოს სხვადასხვა ქვეყნის კერძო და სახელმწიფო სასწავლებლები

16 აპრილს, ხელოვნების უნივერსიტეტის საკონფერენციო დარბაზში საქართველოს პარლამენტის ეროვნული ბიბლიოთეკის გენერალური დირექტორი, მწერალი, პრემია „საბას“ პრემიის ლაურეატი, წინანდლის პრემიის ლაურეატი, ელექტრონულ ბიბლიოთეკა lib.ge-ს დამფუძნებელი გიორგი კეკელიძე გამართავს საჯარო ლექციას თემაზე "განათლების მნიშვნელობა". საჯარო ლექცია გაიმართება საქართველის პროფესიული განვითარების ცენტრის/GPDC ორგანიზებით. ლექცია 16:00 საათზე დაიწყება. დასწრება თავისუფალია. დამატებთი ინფორმაციისთვის დაუკავშირდით პროფესიული განვითარების ცენტრის რეგიონული ოფისის მენეჯერს - ქეთევან დუმბაძე 599346634

ქართული ენის დღეს მიეძღვნა ლიტერატურულ-მუსიკალური კომოპოზიცია, რომელიც ხელოვნების უნივერსიტეტის სტუდენტებმა აკაკი წერეთლის სამშობლოში სხვიტორში ჩაატარეს. სტუდენტებმა და პროფესორ-მასწავლებლებმა დაათვალიერეს აკაკი წერეთლის სახლ-მუზეუმი, შემდეგ, ჯგუფის ხელმძღვანელის, მეტყველების პედაგოგის, პროფესორ თამილა მეიშვილის ხელმძღვანელობით, სტუდენტებმა წაიკითხეს აკაკი წერეთლისა და სხვა ქართველ პოეტთა ლექსები, შეასრულეს აკაკის ლექსებზე შექმნილი სიმღერები.

11 აპრილს ზ.ფალიაშვილის სახელობის სამუსიკო სკოლა-თერთმეტწლედის საკონცერტო დარბაზში გაიმართა კონცერტი თბილისის ბაროკოს გუნდისა და ბათუმის ხელოვნების უნივერსიტეტის მუსიკის ფაკულტეტის სტუდენტების მონაწილეობით. თბილისის ბაროკოს გუნდის მიერ შესრულდა Quirino Gasparini “Adoramus te, Christe” და ზვიად ბოლქვაძის კომპოზიცია „თეთრი ქარები“, სოლისტი ანა მეგრელიშვილი, ქორმაისტერი გიორგი მარგველაშვილი. ბათუმელმა სტუდენტებმა მ. აფხაზავამ, ლ. ვაშაყმაძემ, ბ. მელაძემ, ლ. სიხარულიძემ, მ. წერეთელმა, ნ. ქარცივაძემ, ს. სალაძემ, დ. ჩალენკომ შეასრულეს შუმანის, პუჩინის, ბახის, ჰენდელის ნაწარმოებები. კონცერტმაისტერები: ე. ღოღელიანი და ნ. ნიშნიანიძე.

დამსახურებული პედაგოგის ჯინევრა ბაუჟაძის ხსოვნას მიეძღვნა საღამო კონცერტი, რომელიც 8 აპრილს გაიმართა ზ. ფალიაშილის სახელობის სკოლა თერთმეტწლედის დიდ საკონცერტო დარბაზში. კონცერტში მონაწილეობდნენ მისი კოლეგები და აღზღდილები. საღამო მიჰყავდა მუსიკის ფაკულტეტის დეკანს, ქალბატონ ლალი ჭელძეს, რომელმაც გულთბილად მოიგონა კოლეგა. ქალბატონ ჯინევრას ცხოვრებასა და საქმიანობაზე ისაუბრეს მისმა მეგობრებმა და კოლეგებმა: პოეტმა ცისანა ანთაძემ, ქორმაისტერმა ქეთევან მანელიშვილმა, პედაგოგებმა დოდო ჯვარეშეიშვილმა, ნატო ორაგველიძემ.