ხელოვნების უნივერსიტეტის პროფესორ-მასწავლებლები და თანამშრომლები იუწყებიან, რომ გარდაიცვალა ცნობილი თეატრმცოდნე, საქართველოს თეატრისა და კინოს სახელმწიფო უნივერსიტეტის პროფესორი ვასილ კიკნაძე. ვ. კიკნაძე ბათუმის ხელოვნების უნივერსიტეტის გახსნის პირველივე დღიდან აქტიურად იყო ჩართული უნივერსიტეტის სამეცნიერო-შემოქმედებით და ადმინისტრაციულ საქმიანობაში, კითხულობდა ლექციებს, ხელმძღვანელობდა ხელოვნებათმცოდნეობის კათედრას. არაერთი ღირსეული ახალგაზრდა აღზარდა და აზიარა ჭეშმარიტ ხელოვნებას.

ხელოვნების უნივერსიტეტში გაიმართა აჭარის ავტონომიური რესპუბლიკის განათლების, კულტურისა და სპორტის სამინისტროს „უმაღლესი განათლების ხელშეწყობის“ ქვეპროგრამის“ პტეზენტაცია, რომელიც მოიცავს საზღვარგარეთ სწავლის, სამეცნიერო ღონისძიებებში მონაწილეობის, კონფერენციის მოწყობის, საზაფხულო სკოლის ორგანიზებას. პრეზენტაციაზე აღინიშნა, რომ 2016 წლიდან „უმაღლესი განათლების ხელშეწყობის“ ქვეპროგრამას დაემატა ახალი კომპონენტი - უცხოენოვანი სამეცნიერო/სახელმძღვანელო ლიტერატურის თარგმნა. კონკურსში მონაწილეობის პირობები და პროგრამა იხილეთ სრულად სამინისტროს ვებგვერდზე.
www.adjara.gov.ge/branches/description.aspx?gtid=345436&gid=6#.VvEWrOWumc9

16 მარტს ხელოვნების უნივერსიტეტის საკონფერენციო დარბაზში გაიმართა BIAFF-ის კინოფესტივალის მენეჯმენტის მიერ ინიცირებული პროექტის პრეზენტაცია - “ბათუმში კინოჩვენებებისთვის ალტერნატიული სივრცეების შექმნა”.

ბათუმის სახელმწიფო საზღვაო აკადემიასა და ხელოვნების უნივერსიტეტს შორის, ურთიერთთანამშრომლობის მემორანდუმი გაფორმდა, რომელიც ორი უმაღლესი სასწავლებლის დამეგობრებას და საერთო პროექტებში მონაწილეობას ისახავს მიზნად. შეხვედრაზე რექტორებმა ერთობლივ ღონისძიებებზე ისაუბრეს.

თბილისის ოპერის სახელმწიფო თეატრის ადმინისტრაციისა და უშუალოდ მისი სამხატვრო ხელმძღვანელის, დავით კინწურაშვილის გადაწყვეტილებით, თეატრში ამოქმედდა ბილეთებზე სპეციალური ფასდაკლება სტუდენტებისათვის. ამიტომ, საგანგებოდ მათთვის, საოპერო და საბალეტო სპექტაკლების ბილეთი პრემიერაზე 10, ხოლო სხვა სპექტაკლებზე 5-7 ლარი ეღირება.
თეატრმა უკვე გამოყო 100 ბილეთი თითოეულ სპექტაკლზე, როგორც თბილისის, ასევე რეგიონებში არსებული უმაღლესი სასწავლებლების სტუდენტებისათვის. ოპერის სალაროში ბილეთების შეძენისას აუცილებელი პირობა მხოლოდ სტუდენტის ბილეთის წარდგენაა.