გილოცავთ დამდეგ შობა-ახალ წელს! ბედნიერების, სიხარულის შემოქმედებითი წინსვლისა და წარმატებების მომტანი ყოფილიყოს ახალი 2016 წელი.

2015 წლის 29 დეკემბერს ბათუმის მუსიკალურ ცენტრში აჭარის ავტონომიური რესპუბლიკის განათლების, კულტურისა და სპორტის მინისტრი გიორგი თავამიშვილი, მინისტრის მოადგილე ნათია სირაბიძე სამინისტროს კონკურსებში და პროგრამებში ჩართულ წარმატებულ შემოქმედებით კოლექტივების ხელმღვანელებს და შემსრულებლებს შეხვდნენ. შეხვედრას აჭარის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარე გიორგი მასალკინი ესწრებოდა.
შეხვედრაზე კულტურის მიმართულებით ერთი წლის გაწეული მუშაობის ანგარიშის პრეზენტაცია კულტურის დეპარტამენტის უფროსმა თეონა ბერიძემ წარადგინა.
აჭარის ა.რ. განათლების, კულტურისა და სპორტის მინისტრმა გიორგი თავამაიშვილმა მადლობა გადაუხადა შემოქმედებით კოლექტივებს და შემსრულებლებს სამინისტროს პროგრამებში მონაწილეობისთვის და საჩუქრად წიგნი-ალბომი “აჭარის საგანძური“ გადასცა. საჩუქრები გადაეცათ ხელოვნების უნივერსიტეტის პროფესორებს ირა ხერჟს, ლალი ჭელიძეს, ნინო ჩაიძეს, ქეთევან რაზმაძეს.

24 დეკემბერს ხელოვნების უნივერსიტეტში საქალაქო შემეცნებითი ოლიმპიადა "ბათუმი" ზამთრის სერია 2015-ის ფინალური ტური გაიმართა, რომელშიც მონაწილეობდა 6 გუნდი. მესამე ადგილზე გავიდა შაჰინის სახელობის მეგობრობის სკოლა-ლიცეუმის გუნდი "მუზა" (38,7 ქულა), მეორე ადგილზე - სასულიერო გიმნაზიის გუნდი "ჭოტი" (42,0 ქულა), ხოლო გამარჯვებული გახდა მე-7 სკოლის გუნდი "ფესტინა-ლენტე" (47,1 ქულა).
გამარჯვებულები დააჯილდოვა ხელოვნების უნივერსიტეტმა, გამომცემლობამ "წიგნები ბათუმში", აჭარის ა.რ. სპორტისა და ახალგაზრდობის საქმეთა დეპარტამენტმა და აჭარის ა.რ. უმაღლესი საბჭოს განათლების, მეცნიერების, კულტურისა და სპორტის საკითხთა კომისიამ.
ოლიმპიადის მესამე სეზონი გაიმართება 2016 წლის გაზაფხულზე.

საახალწლო კარნავალზე მიიპატიჟეს სტუდენტებმა პროფესორ-მასწავლებლები და უნივერსიტეტის თანამშრომლები. საკარნავალო ტანსაცმელში გამოწყობილებმა "ჩამჭრელი" კითხვები დაუსვეს მოწვეულ სტუმრებს, იმღერეს, იცეკვეს და დამსწრეთ დამდეგი შობა ახალი წელი მიულოცეს.

საქართველოს მენეჯმენტის სკოლა, მასპინძლობის მენეჯმენტის განვითარების მიზნით მართავს სამუშაო შეხვედრას ლაურეატის ჯგუფის წარმომადგენლებთან 17 დეკემბერს 15-00 საათზე ხელოვნების უნივერსიტეტში. საქართვრლოს მენეჯმენტის სკოლის მისიაა აღზარდოს და განავითაროს პროფესიონალები, რომლებიც თვალსაჩინო წვლილს შეიტანენ ქვეყნის კერძო და საჯარო სექტორის განვითარებაში. სკოლა თანამშრომლობს მსოფლიოს წამყვან საგანმანათლებლო ცენტრებთან.