ხელოვნების უნივერსიტეტის სახვითი ხელოვნების სპეციალობის სტუდენტებისათვის თბილისის სამხატვრო აკადემიის დოქტორანტმა ანა ლაღიძემ ჩაატარა მასტერკლასი მშრალ თექაში. სტუდენტებს საშუალება ჰქონდათ საკუთარი ხელით შეესრულებინათ კომპოზიციები.აღნიშნული მასტერკლასი ჩატარდა ქალაქ ბათუმის მერიის ხელოვანთა ხელშეწყობის პროგრამის ფარგლებში.

მიმდინარე წლის 28 სექტემბერს, შაბათს 14-00 საათზე მოეწყობა ხელოვნების უნივერსიტეტის სტუდენტთა ფოტოგამოფენა. 15-00 საათზე გაიმართება თბილისის სახელმწიფო სამედიცინო უნივერსიტეტის სპორტისა და ხელოვნების ცენტრის კლასიკური მუსიკის განყოფილების კონცერტი. პროგრამაშია ჩაიკოვსკის, შტრაუსის, შოპენის, ბელინის, ბახისა და სხვა კომპოზიტორთა ნაწარმოებები. დასწრება თავისუფალია.

ხელოვნების უნივერსიტეტს სტუმრად ეწვია თბილისის სამედიცინო უნივერსიტეტის სპორტისა და ხელოვნების ცენტრის კლასიკური მუსიკის განყოფილების სტუდენტები. გაიმართა კონცერტი. კონცერტის დასრულების შემდეგ უნივერსიტეტის რექტორმა, პროფესორმა ერმილე მეხიამ მადლობა გადაუხადა სტუმრებს და სერთიფიკატები გადასცა ყველა მონაწილეს. ერთობლივი შემოქმედებითი პროექტის ორგანიზატორმა, საფორტეპიანო განყოფილების ხელმძღვანელმა გოდერძი ჩიტაიშვილმა მადლობა გადაუხადა მასპინძლებს გულთბილი მიღებისთვის. (პროგრამა).

ქალაქ ბათუმის მერიის ხელოვანთა ხელშეწყობის პროგრამის ფარგლებში ხელოვნების უნივერსიტეტში მოეწყო ქართველი და პოლონელი მხატვრების ნამუშევართა გამოფენა. წარმოდგენილი იყო უნივერსიტეტის სახვითი ხელოვნების დეპარტამენტის პედაგოგების სერგო გოგოლაძის, მიხეილ კვაჭაძის, ბექა ბოლქვაძის და კურსდამთავრებულის, მარიკა კვაჭაძის ნამუშევრები.

აჭარის ავტონომიური რესპუბლიკის განათლების, კულტურისა და სპორტის სამინისტროს "აჭარაში კინოწარმოების ხელშეწყობის" პროგრამის ფარგლებში ჩატარდა ახალგაზრდა რეჟისორის ზაზა რუსაძის მასტერკლასი თემაზე "იდეიდან სცენარამდე". მან ისაუბრა სცენარის წერის ტექნოლოგიურ და შემოქმედებით მხარეებზე, დრამატურგიის საკითხებზე,ფილმის შექმნის რთულსა და საინტერესო პროცესებზე. სტუდენტებს გაუზიარა საკუთარი გამოცდილება, უპასუხა შეკითხვებს.