ბათუმის ხელოვნების უნივერსიტეტის პროფესორ-მასწავლებლები, თანამშრომლები და სტუდენტები ღრმა მწუხარებას გამოხატავენ ხელოვნების უნივერსიტეტის პარტნიორის ერევნის თეატრისა და კინემატოგრაფიის სახელმწიფო ინსტიტუტის რექტორის, ერევნის კულტურის დამსახურებული მოღვაწის, პროფესორ არმენ მაზმანიანის მოულოდნელი გარდაცვალების გამო. ბატონმა არმენ მაზმანიანმა დიდი წვლილი შეიტანა ჩვენს უმაღლეს სასწავლებლებს შორის ურთიერთანამშრომლობაში. სამწუხაროდ, მას არ დასცალდა მრვალი ჩანაფიქრის განხორციელება. უნივერსიტეტის პროფესორ-მასწავლებლები, თანამშრომლები და სტუდენტები თანაგრძნობას უცხადებენ ბატონი არმენის ოჯახს და ერევნის თეატრისა და კინემატოგრაფიის სახელმწიფო ინსტიტუტს.

კინოკლუბში გაიმართა ჩვენება იოს სტეილინგის ფილმისა "არც მატარებლები, არც თვითმფრინავები" (NO TRAINS NO PLANES) დრამა (1999). მთავარ როლებში; დირკ ვან დეიკი, კეეს პრინსი, პირ მასკინი, კატა სჰურმანი, პეტრა სედა, ლენი ბრედერველდი.

ხელოვნების უნივერსიტეტის რექტორატი სტუდენტებს, პროფესორ-მასწავლებლებსა და თანამშრომლებს ულოცავს დამდეგ 2014 წელს. უსურვებს სიხარულს, სიყვარულს, ბედნიერებას, წინსვლას და წარმატებებს შემოქმედებით საქმიანობასა და პედაგოგიურ მოღვაწეობაში.

კინოკლუბში გაიმართა ჩვენება მიხაილ ჰანეკეს ფილმისა „სიყვარული“(2012 წ.), რომლის პრემიერა შედგა კანის 65-ე კინოფესტივალზე და ფილმმა „ოქროს პალმის რტოს“ მთავარი პრიზი მოიპოვა.

გაიმართა წინასაახალწლო კონცერტი. შესრულდა არიები მოცარტის, პუჩინის, დონიცეტის და ვერდის ნაწარმოებებიდან. მონაწილეობდნენ მუსიკის ფაკულტეტის აკადემიური სიმღერის მიმართულების სტუდენტები; გუნდი, ქორმაისტერი ლ. დოლიძე; სოლისტები ე. გორგილაძე, მ. გასპარიანი, ე. დილოიანი; კონცერტმაისტერები: რ. კვახაძე, ნ. ნიშნიანიძე, ე. სოსელია, ლ. ლურსმანაშვილი; პედაგოგი, ასოცირებული პროფესორი მამუკა ალაფიშვილი, საოპერო მიმართულების ხელმძღვანელი, პროფესორი თამაზ ცერიაშვილი. კონცერტში მონაწილეობდა ბათუმის სახელმწიფო მუსიკალური ცენტრის ზ. ანჯაფარიძის საოპერო სტუდიის სოლისტი, ევროპაში მოღვაწე ტენორი, ხელოვნების უნივერსიტეტის კურსდამთავრებული, ირაკლი კახიძე.