ხელოვნების უნივერსიტეტი კულტურათა დიალოგის ფესტივალზე
24 ოქტომბერი 2014 წელი
სარფში ,,კულტურათა დიალოგის ფესტივალი ლაზური გასტრონომიის პრეზენტაცია“ გაიმართა, სადაც წარმოდგენილი იქნა ლაზური ფოლკლორი და კერძები. აჭარის განათლების, კულტურისა და სპორტის სამინისტროს პროგრამის ფარგლებში ,,კულტურული ცხოვრების გააქტიურება სოფლად“ შეიქმნა და დაფინანსდა პროექტი ,,კულტურათა დიალოგის ფესტივალი“, რომელიც განახორციელა ხელვაჩაურის კულტურის ცენტრმა. კულტურათა დიალოგის ფესტივალის თემად შეირჩა ,,ლაზური გასტრონომია“. პროექტი მიზნად ისახავდა მივიწყებული ლაზური კერძების დამზადებას, ვიდეოფიქსაციასა და გადაღებული მასალის პოპულარიზაციას. დაიბეჭდა 2015 წლის კალენდარი ლაზური კერძების რეცეპტებით. ხელოვნების უნივერსიტეტის ტელერეჟისორის სპეციალობის სტუდენტებმა ვიდეოფირზე გადაიღეს ფესტივალის მომზადების მიმდინარეობა.
