სახვითი, სასცენო და კინო-ტელე ხელოვნების ფაკულტეტის ასოცირებულმა პროფესორმა თ. მეიშვილმა ჩაატარა ღია ლექცია მეტყველებაში. გონიოს ციხის ეზოში სამსახიობო სპეციალობის სტუდენტებმა პედაგოგის მითითებით შეასრულეს სხვადასხვა სახის სავარჯიშოები, წაიკითხეს ქართველი პოეტების ლექსები.

ბათუმის ხელოვნების უნივერსიტეტში გაიხსნა გიორგი გარაყანიძის სახელობის ფოლკლორული მუსიკის ბათუმის მერვე საერთაშორისო ფესტივალი. ფესტივალის პროგრამაშია სამეცნიერო კონფერენცია, რომელიც 29 ოქტომბერს გაიხსნა ბათუმის ხელოვნების უნივერსიტეტის საკონფერენციო დარბაზში. კონფერენციის მუშაობა გაგრძელდება 30 და 31 ოქტომბერს.(იხ.კონფერენციის პროგრამა). ფოლკლორული და სასულიერო მუსიკის ფესტივალის საკონცერტო პროგრამა 29,30 და 31 ოქტომბერს წარმოდგენილი იქნება ბათუმის შოთა რუსთაველის სახელმწიფო უნივერსიტეტის საკონცერტო დარბაზში.

29 ოქტომბერს ბათუმის ხელოვნების უნივერსიტეტში საჯარო ლექცია ჩაატარა ბათუმის შოთა რუსთაველის სახელმწიფო უნივერსიტეტის პროფესორმა მ. მახარაძემ. სტუდენტების წინაშე პროფესორი წარსდგა მოხსენებით „რენესანსი და ქართული კულტურა“.

ხელოვნების უნივერსიტეტის მუსიკის ფაკულტეტის პროფესორ-კონსულტანტს ალექსანდრა (დოდო) ჯვარშეიშვილს დაბადებიდან 85 წელი შეუსრულდა.ნაყოფიერი პედაგოგიური და შემოქმედებითი საქმიანობისათვის დაჯილდოვდა უნივერსიტეტის საპატიო სიგელით და გადაეცა ფულადი ჯილდო. უნივერსიტეტის რექტორმა ე. მესხიამ საპატიო სიგელი გადასცა და მადლობა გადაუხადა წლების მანძილზე დაუღლავი შრომისათვის, ჯანმრთელობა და წარმატებები უსურვა. იუბილარს მიესალმნენ კოლეგები და სტუდენტები.

რეჟისორმა ლაშა ცქვიტინიძემ და პროდიუსერმა ნოდარ ნოზაძემ ჩაატარეს მასტერკლასი, საუბარი შეეხო ფილმის გადაღების მოსამზადებელ, გადასაღებ და სამონტაჟო პროცესებსა და სცენარზე მუშაობის სპეციფიკას. ნაჩვენები იყო ლ. ცქვიტინიძის მოკლემეტრაჟიანი ფილმი „თემო“.