სტუდენტთა გაცვლით პროგრამებთან დაკავშირებით ევროპის აკადემიური ცენტრის პრეზენტაცია ჩატარდება 11 აპრილს 12:00 საათზე. აუდიტორია 51.

მიმდინარე წლის 5 აპრილს 11-00 საათზე მასტერკლასს ჩაატარებს დანიაში მოღვაწე მუსიკალური სკოლის "გრადუს ფორტეპიანოს" დამაარსებელი, პროფესორი მარტინ ლიშოლმ ჯეფსენი. ღონისძიება გაიმართება ბათუმის სამუსიკო თერთმეტწლედის მცირე დარბაზში. მის: ბათუმი, დემეტრე თავდადებულის ქ. 20.

მიმდინარე წლის 4 აპრილს გაიმართება კონცერტი დანიელი პიანისტების, მუსიკალური სკოლის "გრადუს ფორტეპიანოს" მოსწავლეების მონაწილეობით. ღონისძიება ჩატარდება ბათუმის მე-2 სამუსიკო სკოლის დარბაზში. მისამართი: ქ. ბათუმი, ბაქოს ქ. 48. (ყოფილი გოგებაშვილის ქ. 48.)

ევროპის აკადემიური ცენტრი გთავაზობთ პრეზენტაციის გამართვას თქვენს უნივერსიტეტში 2014 წლის გაცვლით პროგრამებთან დაკავშირებით, სადაც განხილული იქნება ამერიკასა და ევროპის ქვეყნებში არსებული პროგრამები, ყურადღება გამახვილდება გაეროს ნიუ იორკის, სტრასბურგის, მადრიდის, პრაღაში სტაჟირებისა და საზაფხულო სკოლების დეტალებზე, მონაწილეობის პირობებისა და სპეციალურად სტუდენტთათვის არსებულ შეღავათებზე.

29 მარტს ხელოვნების ცენტრში გაიმართა კონცერტი. შესრულდა არიები ჯაკომო პუჩინის, ჟორჟ ბიზეს, პიეტრო მასკანის, ჯუზეპე ვერდის, ზაქარია ფალიაშვილის და რევაზ ლაღიძის ნაწარმოებებიდან.
არიები ხელოვნების უნივერსიტეტის კურსდამთავრებულთან ნონა კორიფაძესთან ერთად არმაზ დარაშვილმა შეასრულა. ბათუმის სახელმწიფო მუსიკალური ცენტრის საოპერო სტუდიის სოლისტების პირველ სოლო კონცერტს აკომპანირება მუსიკალური ცენტრის ორკესტრმა უნივერსიტეტის ასოცირებული პროფესორის, მამუკა ალაფიშვილის დირიჟორობით გაუწია.