"დიდი დეპრესიის პერიოდის ამერიკული კინო" - ამ თემაზე ჩაატარა საჯარო ლექცია ბათუმის საჯარო ბიბლიოთეკის ამერიკულ კუთხეში უნივერსიტეტის ასოცირებულმა პროფესორმა, კინომცოდნე ოლიკო ჟღენტმა. დისკუსიის თემა იყო 30-იანი წლების ამერიკული ფოტოგრაფიაც. საჯარო ლექციის ფარგლებში გაიმართა დოკუმენტური ფილმის ფრაგმენტების ჩვენება. მსგავსი ლექციების ჩატარება სამომავლოდაც იგეგმება.

გაიმართა ხელოვანთა კლუბის მიერ 2014 წელს ჩატარებული ღონისძიებების და 2015 წელს ჩასატარებელი ღონისძიებების პრეზენტაცია.

15 მარტს ხელოვნების უნივერსიტეტში საქართველოს ქორეოგრაფიის მოღვაწეთა შემოქმედებითმა კავშირმა აჭრის ა.რ.განათლების კულტურისა და სპორტის სამინისტროს მხარდაჭერით ჩაატარა სამეცნიერო-პრაქტიკული კონფერენცია თემაზე: „ქართული ხალხური ქორეოგრაფიული ხელოვნება: „თანამედროვე მდგომარეობა და განვითარების ძირითადი ტენდენციები“.

აჭარის ავტონომიური რესპუბლიკის განათლების, კულტურისა და სპორტის სამინიტროს მიერ მოეწყო პროგრამის - “უმაღლესი განათლების ხელშეწყობის” პრეზენტაცია. სტუდენტებმა და პროფესორ მასწავლებლებმა მიიღეს ინფორმაციები სხვადასხვა პროგრამების შესახებ, კერძოდ: საზღვარგარეთ სწავლის; სამეცნიერო ღონისძიებებში მონაწილეობის; კვალიფიკაციის ამაღლებიის; კონფერენციების მოწყობის; საზაფხულო სკოლების; საჯარო ლექციების შესახებ.

ხელოვნების უნვერსიტეტის მუსიკის ფაკულტეტის ასოცირებული პროფესორის ნათელა ხომერიკის 60 წლის იუბილესთან დაკავშირებით გაიმართა კონცერტი სტუდენტების მონაწილეობით. უნივერსიტეტის რექტორატმა საიუბილეო თარიღთან დაკავშირებით დააჯილდოვა საპატიო სიგელით. კონცერტის დასრულების შემდეგ რექტორმა ე. მესხიამ სამახსოვრო საჩუქარი გადასცა იუბილარს.