საქართველოში უმაღლესი განათლებისა და მეცნიერების სფეროში მიმდინარე ძირითადი პრინციპების, სახელოვნებო სწავლების, აკადემიური პროგრამების ხარისხის ამაღლებისა და პრაქტიკული განხორციელების მიზნით ხელოვნების უნივერსიტეტსა და შპს “MS STUDIO”-ს შორის გაფორმდა ურთიერთთანამშრომლობის მემორანდუმი.

კინოკლუბში გაიმართა ოთარ იოსელიანის ფილმის "იყო შაშვი მგალობელი" ჩვენება-განხილვა.

19 აპრილს, პარასკევს, გაიმართება კინოჩვენება, დასწრება თავისუფალია. აუდიტორია 51.

ურთიერთთანამშრომლობის მემორანდუმის ფარგლებში უკვე მესამე დღეა ხელოვნების უნივერსიტეტში იმყოფება ვილნიუსის თეატრისა და მუსიკის აკადემიის პროფესორი, კინორეჟისორი გიედრე ბიენორიუტე. ქალბატონმა გიედრემ სტუდენტებს წარუდგინა, როგორც საკუთარი, ასევე სტუდენტური ფილმები, ისაუბრა თანამედროვე ლიტვურ კინემატოგრაფში მიმდინარე პროცესებზე. ვიზიტის ბოლო დღეს გაიმართა შეხვერდა უნივერსიტეტის რექტორთან, ბატონ ერმილე მესხიასთნ, საუბარი შეეხო ორ უმაღლეს სასწავლებელ შორის შემდგომი ურთიერთობის საკითხებს. შეხვედრის დასასრულს უნივერსიტეტის რექტორმა სამახსოვრო საჩუქარი გადასცა სტუმარს.

ვილნიუსის თეატრისა და მუსიკის აკადემიის პროფესორმა, კინორეჟისორმა გიედრე ბიენორიუტემ, ხელოვნების უნივერსიტეტის სტუდენტებს წარუდგინა ფილმები: "სამი ერთში", "10 მიზეზი", სცენარის ავტორი და რეჟისორი ანდრიუს ბლაზევიჩუსი, "თაფლობის თვის ბოლო დღე", რეჟისორი როკას ელტერმანასი. სტუდენტები დაინტერესდნენ ფილმების ბიუჯეტით, ფილმში მონაწილე მსახიობების შერჩევის პრინციპით, დაფინანსების ალტერნატიული წყაროების მოძიების შესაძლებლობებით, სხვა საინტერესო საკითხებით. რეჟისრმა ამომწურავი პასუხები გასცა სტუდენტთა შეკითხვებს, ასევე ისაუბრა მისი სტუდენტების მიერ გადაღებულ ფილმებზე.