„ბათუმობის ფარგლებში“, კინოთეატრ „აპოლოში“ გაიმართა ხელოვნების უნივერსიტეტის ასოცირებული პროფესორის ოლიკო ჟღენტის ავტორობით გამოცემული წიგნის „ბათუმი კინოში“ წარდგენა

23 აგვისტოს ბათუმის „Palm apartments“- ტერიტორიაზე (სულიკო ჟღენტის ქ. N 1) საქართველოს მოდისა და დიზაინის ასოციაციის პრეზენტაცია გაიმართა. ბათუმმა შოუ-რუმს უმასპინძლა, რომელიც სამოდელო სააგენტო "ნატალისა" და მოდის სახლ "მანანა გოგლიჩიძის" პირველი ერთობლივი პროექტია. საღამოზე თბილისის სამხატვრო აკადემიისა და ბათუმის ხელოვნების სახელმწიფო სასწავლო უნივერსიტეტის მოდის დიზაინის მიმართულების სტუდენტების ნაშრომები იყო წარმოდგენილი. გაიმართა ახალგაზრდა დიზაინერების ჩვენება. საღამო მანანა გოგლიჩიძის ახალი კოლექციით დაიხურა. მოეწყო აქსესუარების გამოფენა-გაყიდვა. პროექტის მხარდამჭერი ბათუმის კულტურის ცენტრია. საღამოს ქალაქის მერიც ესწრებოდა. საქართველოს მოდისა და დიზაინის ასოციაციის დაფუძნების მიზანი ახალგაზრდა სახეების აღმოჩენა და ხელშეწყობაა.

ბათუმის ხელოვნების უნივერსიტეტში აჭარის ავტონომიური რესპუბლიკის განათლების, კულტურისა და სპორტის სამინისტროს თავისუფალი პროექტების კონკურსის გამარჯვებული პროექტის „ფსიქოდრამის“ ფარგლებში გაიმართა ინტერაქტიულ-თეატრალური წარმოდგენა „ არა- Stand- Art”. “ფსიქოდრამის“ პროექტის ფარგლებში შეიკრიბა არტისტებისა და ფსიქოლოგების ჯგუფი, რომლებმაც განახორციელეს საზოგადოების სოციალურ-კულტურულ გამოკითხვა სპეციალურად შედგენილი კითხვარის საშუალებით, რის შედეგად გამოიკვეთა რამდენიმე აქტუალური სოციალურ-კულტურული პრობლემა

საქართველოს კულტურისა და ძეგლთა დაცვის სამინისტროში შედგა ხელოვნების უნივერსიტეტის რექტორის ე. მესხიასა და უნივერსიტეტის ადმინისტრაციის ხელმძღვანელის გ. ბერიძის შეხვედრა საქართველოს კულტურისა და ძეგლთა დაცვის მინისტრთან ბატონ მ. გიორგაძესთან. უნივერსიტეტის რექტორმა მინისტრს გააცნო სახელმწიფო ბიუჯეტიდან უნივერსიტეტის დაფინანასებასთან დაკავშირებული პრობლემები. ბატონმა მ. გიორგაძემ გამოხატა მზადყოფნა დასმული პრობლემის გადასაწყვეტად და უნივერსიტეტის წარმომადგენლებს აღუთქვა, რომ აღნიშნულ საკითხზე შეხვედრები ექნებოდა შესაბამის ხელმძღვანელ პირებთან.

ქ. ზუგდიდის სახელმწიფო უნივერსიტეტში გაიმართა შეხვედრა ბათუმის ხელოვნების უნივერსიტეტის რექტორის ე. მესხიასა და ზუგდიდის უნივერსიტეტის რექტორის თ. ხუფენიას შორის. შეხვედრის დასასრულს ხელი მოეწერა ურთირთთანამშრომლობის მემორანდუმს შოთა მესხიას ზუგდიდის სახელმწიფო სასწავლო უნივერსიტეტსა და ბათუმის ხელოვნების სახელმწიფო სასწავლო უნივერსიტეტს შორის. მემორანდუმის ფარგლებში გათვალისწინებულია ერთობლივი საგანმანათლებლო, სამეცნიერო და შემოქმედებითი პროექტების ორგანიზება და მონაწილეობის მიღება.