2015 წლის 14-15 აპრილს ქ. ტრაპიზონის შავი ზღვის უნივერსიტეტის რექტორის მიწვევით ხელოვნების უნივერსიტეტის რექტორი ე. მესხია და უნივერსიტეტის პროექტების მართვის განყოფილების სპეციალისტი ს. ჩიკაშუა მივლინებით იმყოფებოდნენ ქ. ტრაპიზონში. გაიმართა ოფიციალური მიღება ტრაპიზონის უნივერსიტეტის რექტორთან და უნივერსიტეტის სხვა ხელმძღვანელ პირებთან. მიღების ბოლოს ხელი მოეწერა ურთიერთთანამშრომლობის მემორანდუმს. ოფიციალურ მიღებას დაესწრო საქართველოს გენერალური კონსული ტრაპიზონში ბატონი ა. მიქაცაძე და კონსულის მრჩეველი გიორგი ყუშიტაშვილი. უნივერსიტეტის რექტორატი მადლობას უხდის საქართველოს გენერალურ კონსულს და საკონსულოს თანამშრომლებს ვიზიტის მომზადებასა და განხორციელებაში მონაწილეობისათვის.

2015 წლის 15 აპრილს ქ. ტრაპიზონის შავი ზღვის უნივერსიტეტის რექტორის მიწვევით ბათუმის ხელოვნების უნივერსიტეტის მუსიკის ფაკულტეტმა კლასიკური მუსიკის კონცერტი გამართა ტრაპიზონის უნივერსიტეტის საკონცერტო დარბაზში. კონცერტს დაესწრო საქართველოს გენერალური კონსული ტრაპიზონში ბატონი ა. მიქაცაძე და კონსულის მრჩეველი გიორგი ყუშიტაშვილი

დედა ენის დღეს მიეძღვნა სამსახიობო სპეციალობის სტუდენთა ლიტერატურული კომპოზიცია, რომელიც გაიმართა ილია ჭავჭავაძის აღდგენილ ძეგლთან. სტუდენტებმა წაიკითხეს ილია ჭავჭავაძის პუბლიცისტური წერილები. პედაგოგი, სასცენო ხელოვნების დეპარტამენტის პროფესორი თამილა მეიშვილი.

გილოცავთ აღდგომის ბრწყინვალე დღესასწაულს!

ხელი მოეწერა ურთიერთთანამშრომლობის მემორანდუმს ხელოვნების უნივერსიტეტსა და ა(ა)იპ "შეზღუდული შესაძლებლობების მქონე პირთა უფლებებისათვის" წარმომადგენელს შორის. მემორანდუმი ითვალისწინებს ერთობლივი პროგრამების დაგეგმვასა და განხორციელებას, რომელიც მიმართულია საგანმანათლებლო საქმიანობისა და შშმ პირთა პროფესიული განვითარების ხელშეწყობისაკენ.