გაიმართა სტუდენტთა საერთაშორისო კონფერენცია. მასში მონაწილეობდნენ: რიზეს რეჯეფ თაიპ ერდოღანის უნივერსიტეტის, ტრაპიზონის შავი ზღვის უნივერსიტეტის, ართვინის ჭოროხის უნივერსიტეტის, აშშ-ს სამხრეთ იუტას უნივერსიტეტის, თბილისის ვანო სარაჯიშვილის სახელმწიფო კონსერვატორიის, აპოლონ ქუთათელაძის სახელობის სამხატვრო აკადემიის, შოთა რუსთაველის თეატრისა და კინოს უნივერსიტეტისა და ხელოვნების უნივერსიტეტის 30-მდე სტუდენტი. კონფერენციის მუშაობა სამ სექციად წარიმართა: 1. კულტურა; 2. ხელოვნება; 3. მუსიკა.

ხელი მოეწერა ურთიერთთანამშრომლობის მემორანდუმს ბათუმის ხელოვნების უნივერსიტეტსა და სსიპ-საზოგადოებრივი კოლეჯი „ახალი ტალღა“ -ს შორის.

საქართველოს ფინანსთა სამინისტრომ გამოაცხადა კონკურსი საუკეთესო სტატიის შესარჩევად თემაზე: „საქართველოს პირველ რესპუბლიკაში განხორციელებული ეკონომიკური რეფორმები და პოლიტიკა". კონკურსი იმართება საქართველოს დამოუკიდებლობის დღისადმი მიძღვნილი ღონისძიებების ფარგლებში. გამარჯვებული ნაშრომის ავტორს 2016 წლის 20 მაისს, გამოავლენს საკონკურსო კომისია. საუკეთესო 10 სტატია დაიბეჭდება კრებულის სახით. კონკურსში მონაწილეობის მიღება შეუძლიათ საქართველოს უმაღლესი სასწავლებლების სტუდენტებს, მაგისტრანტებსა და დოქტორანტებს.

გაიმართა შეხვედრა HR დასაქმების სააგენტოს წარმომადგენელთან. სააგენტოს წარმომადგენელმა ანა ჩაჩიბაიამ სტუდენტებს გაცნო CV შევსების პრინციპები, ისაუბრა ფორუმზე წარმოდგენილ კომპანიებზე. მიმდინარე წლის 25 მაისს 12-00 საათზე სასტუმრო „ჰილტონ ბათუმში“ გაიმართება დასაქმების ფორუმი. საქართველოში მოქმედი დიდი და საშუალო კომპანიების წარმომადგენლები სტუდენტებს პირისპირ გაესაუბრებიან. აპლიკანტებს საშუალება ექნებათ წარადგინონ საკუთარი თავი.

ხელოვნების უნივერსიტეტის რექტორი 12-19 აპრილს საქმიანი ვიზიტით იმყოფებოდა ლატვიის რესპუბლიკაში, სადაც მონაწილეობა მიიღო რიგის ინფორმაციული სისტემების მართვის უნივერსიტეტში გამართულ საერთაშორისო კონფერენციაში. ვიზიტის დროს გაიმართა შეხვედრები რიგის ინფორმაციული სისტემების მართვის უნივერსიტეტის და ლატვიის ხელოვნების აკადემიის რექტორებთან, რექტორების მოადგილეებთან, საგანმანათლებლო პროგრამების ხელმძღვანელებთან. საუბრები შეეხო უნივერსიტეტებს შორის თანამშრომლობის აქტუალურ საკითხებს.