ქ. ბათუმში ირანის გენერალური კონსულის ორგანიზებითა და გილანის უნივერსიტეტის (ქ. რაშტი) მიწვევით ხელოვნების უნივერსიტეტის რექტორი ე. მესხია 2016 წლის 22-27 მაისს საქმიანი ვიზიტით იმყოფებოდა ირანის ისლამურ რესპუბლიკაში. ვიზიტის ფარგლებში გაიმართა შეხვედრები გილანის უნივერსიტეტის რექტორთან, ხელოვნების ფაკულტეტის, სპორტის ფაკულტეტისა და ადმინისტრაციის წარმომადგენლებთან, ხელი მოეწერა უნივერსიტეტებს შორის ურთიერთანამშრომლობის მემორანდუმს. რაშტის უნივერსიტეტის რექტორის თხოვნით პროფესორ-მასწავლებლებისა და სტუდენტების წინაშე ე. მესხიამ წაიკითხა საჯარო ლექცია თემაზე: „უმაღლესი განათლების სისტემა საქართველოში“.

ბათუმის ხელოვნების სასწავლო სახელმწიფო უნივერსიტეტი გილოცავთ საქართველოს დამოუკიდებლობის დღეს!

„მის სტუდენტი-2016“ გამარჯვებული გახდა ხელოვნების უნივერსიტეტის ხელოვნებათმცოდეობის სპეციალობის IV კურსის სტუდენტი ქეთევან დუმბაძე. ვულოცავთ ქეთევანს და შემდგომ წარმატებებს ვუსურვებთ.

25 მაისს გაიმართება „დასაქმების ფორუმი 2016 ბათუმი“, „დასაქმების სააგენტო ეიჩარის“ ორგანიზებით. აღნიშნული პროექტი მოგცემთ დასაქმების უნიკალურ შესაძლებლობას. თქვენ გეძლევათ შანსი, კომპანიებს წარუდგინოთ და გააცნოთ საკუთარი თავი, ინტერესები და შესაძლებლობები, დაგეგმოთ კარიერა წარმატებით. ფორუმი ჩატარდება მიმდინარე წლის 25 მაისი, 12:00 სთ. – 14:00 სთ-მდე. ღონისძიების ადგილი: „ჰილტონ ბათუმი“, რუსთაველის გამზ. 40. საკონტაქტო ინფორმაცია: 219 33 33(128) / 577 77 12 28

21 მაისს აღინიშნა მუზეუმების საერთაშორისო დღე. ამ თარიღს საქართველო წელს პირველად შეუერთდა. მუზეუმის დღეების ფარგლებში აჭარაში მოქმედ მუზეუმებში სხვადასხვა ღონისძიებები გაიმართა. ხარიტონ ახვლედიანის სახელმწიფო მუზეუმში მოეწყო ხელოვნების უნივერსიტეტისა და შოთა რუსთაველის სახელმწიფო უნივერსიტეტის სტუდენტთა მონაწილეობით კოსტუმირებული წარმოდგენა: „ანტიკური სამოსი მინოსური კრეტიდან ბიზანტიამდე“. აღნიშნული პროექტი „თავისუფალი პროექტებისა და ახალი ინიციატივების მხარდაჭერის„ ფარგლებში განხორციელდა 2015 წელს.