12 ივნისს თბილისის ვანო სარაჯიშვილის სახელობის სახელმწიფო კონსერვატორიაში ქართული ხალხური მუსიკალური შემოქმედების კათედრის ორგანიზებით ახალგაზრდა ეთნომუსიკოლოგთა რესპუბლიკური კონფერენცია გაიმართა. მასში საქართველოს სხვადასხვა უნივერსიტეტის ახალგაზრდა მეცნიერ-თანამშრომლები და სტუდენტები მონაწილეობდნენ. ბათუმის ხელოვნების  უნივერსიტეტიდან კონფერენციაში მონაწილეობდა  მუსიკის ფაკულტეტის სპეციალისტი ეთნომუსიკოლოგიის მიმართულებით ლოლიტა სურმანიძე, რომელმაც წაიკითხა მოხსენება თემაზე: „ჩონგურზე დაკვრის ტრადიცია შუახევში“.