ხელოვნების უნივერსიტეტის რექტორატი ულოცავს სახვითი, სასცენო და კინო-ტელე ხელოვნების ფაკულტეტის, სასცენო ხელოვნების დეპარტამენტის უფროს მასწავლებელს, ქორეოგრაფ ნუგზარ შალიკაშვილს დაბადებიდან 65 წლის იუბილეს. უსურვებს წარმატებებს, ჯანმრთელობას და დიდხანს სიცოცხლეს.

გაიმართა შეხვედრა ხელოვნების უნივერსიტეტის რექტორს ე. მესხიასა და ბათუმის მერიის ხელოვნებისა და მუსიკალური ცენტრის დირექტორს გ. ბოლქვაძეს შორის. საუბარი შეეხო მერიის ხელოვნებისა და მუსიკალურ ცენტრსა და ხელოვნების უნივერსიტეტს შორის ურთიერთთანამშრომლობის პროგრამით გაწეულ საქმიანობას. დღეისათვის მერიის ხელოვნებისა და კულტურის ცენტრში დასაქმებულია ხელოვნების უნივერსიტეტის 45 კურსდამთავრებული. ცენტრის შემოქმედებით კოლექტივებში კადრების შევსება ძრითადად ხდება ხელოვნების უნივერსიტეტიდან.
იმავე დღეს რექტორი შეხვდა ბათუმის ილია ჭავჭავაძის სახელობის სახელმწიფო დრამატული თეატრის მმართველს თ. კეჟერაძესა და ბათუმის სახელმწიფო მუსიკალური ცენტრის დირექტორს გ. მიქელაძეს.
შეხვედრებზე დაისახა სამომავლო თანამშრომლობის პერსპექტივები.

ბათუმის შოთა რუსთაველის სახელმწიფო უნივერსიტეტის განათლებისა და მეცნიერებათა ფაკულტეტზე გაიმართა დოქტორანტ ვ. ბიბილეიშვილის სადისერტაციო ნაშრომის „ქართული რეჟისორული ხელოვნების ფორმირების ძირითადი პრინციპები“ საჯარო დაცვა. მეცნიერ-ხელმძღვანელი სრული პროფესორი ვ. კიკნაძე.

ჩატარდა არქიტექტურის სპეციალობის მე-2 კურსის სტუდენტთა სემესტრული გამოცდა. საკუთარი პროექტები წარმოადგინეს ბაჩო პაიჭაძემ, დიანა ფარტენაძემ, ია საჯაიამ, მათე თანდილავამ, მათე სარჯველაძემ, მარიამ მაკარაძემ. პროექტის ხელმძღვანელები, პედაგოგები გიორგი რამიშვილი და ზვიად ბურჭულაძე.

ხელოვნების უნივერსიტეტის რექტორატი, პროფესორ-მასწავლებლები, სტუდენტები და თანამშრომლები იუწყებიან, რომ გარდაიცვალა ხელოვნების უნივერსიტეტის პირველი რექტორი, საქართველოს სახალხო არტისტი, ხელოვნების დამსახურებული მოღვაწე, პროფესორი ლევან მირცხულავა და თანაუგრძნობენ განსვენებულის ოჯახს.(იხილეთ ტექსტი სრულად)