2015 წლის 14 ნოემბერს 10:00 სათზე სსიპ ბათუმის ხელოვნების სასწავლო უნივერსიტეტში გაიხსნება საერთაშორისო კონფერენცია სახელწოდებით - კულტურა და ხელოვნება: კვლევა და მართვა. კონფერენცია მიზნად ისახავს კულტურისა და ხელოვნების, კვლევისა და მართვის ახალი მიმართულებებისა და მეთოდების გაცნობას, რაც ხელს შეუწყობს სამეცნიერო კვლევების განვითარებას, კულტურისა დ ხელოვნების კვლევისა და მართვის სფეროში ნოვატორული იდეების დანერგვასა და მკვლევართა პროფესიულ ზრდას.

International Art and Design Competition 2016 მსოფლიო მასშტაბით იწვევს სტუდენტებს: საიუველირო ნაკეთობების დამზადება, საიუველირო ნაკეთობების დიზაინი, ფეხასცმლის, ჩანთების, ავეჯის დიზაინი, მოდის დიზაინი, ინტერიერის დიზაინი და ილუსტრაციები.
Academia Riaci წარმოადგენს ხელოვნებისა და დიზაინის პროფესიონალურ სკოლას, რომელიც მდებარეობს იტალიის ქალაქ ფლორენციაში.
კინკურსის მთავარი მიზანია იტალიური ხელოვნების, დიზაინის და ნაკეთობების პოპულარიზაცია და ინტერნაციონალიზაცია, ახალი ხელოვანი ადამიანების აღმოჩენა, მათი წახალისება და ამასთანავე იტალიაში სწავლის გაგრძელების ხელშეწყობა.
რეგისტრაციის ბოლო ვადაა 2015 წლის 30 ნოემბერი.
დაწვრილებითი ინფორმაცია იხილეთ: International Art and Design Competition 2016, Academia Riaci. Email: rac2014@accademiariaci.info
www.accademiariaci.info

ხელოვნების უნივერსიტეტს ეწვია იაპონელი ხელოვანი შუ კუბო, რომელმაც ჩაატარა ვორქშოპი კირიეს ხელოვნებაში. გაიმართა შეხვედრა უნივერსიტეტის რექტორთან ე. მესხიასთან. იაპონელმა ხელოვანმა ისაუბრა საკუთარ ხელოვნებაზე და უნივერსიტეტს საჩუქრად გადასცა წიგნი, სადაც მის ნამუშევრებია დაბეჭდილი. ვორკშოპი იაპონიის საელჩოსა და საქართველოს კულტურისა და ძეგლთა დაცვის სამინისტროს ორგანიზებით იმართება და იაპონური კულტურის პოპულარიზაციას ემსახურება.(იხ.ტექსტი)

შვედეთისა და შვედური ინსტიტუტის (SI) მხარდაჭერით ხელოვნების უნივერსიტეტში 5 ნოემბერს გაიხსნა და 25 ნოემბრამდე გაგრძელდება გამოფენა სახელწოდებით „ღირსეული ცხოვრება ყველას უფლებაა“. გამოფენილ ფოტოებზე ასახულია შეზღუდული შესაძლებლობების მქონე პირთა ცხოვრება და ამონარიდები მათი ინტერვიუებიდან.

4 ნოემბერს დასრულდა გიორგი გარაყანიძის სახელობის ფოლკლორული და სასულიერო მუსიკის ბათუმის X საერთაშორისო ფესტივალი, რომელიც სამი დღის განმავლობაში მიმდინარეობდა. პროგრამაში იყო სამდღიანი სამეცნიერო კონფერენცია, ფოლკლორული და სასულიერო მუსიკის კონცერტები, დოკუმენტური ფილმების ჩვენება. (იხ.ტექსტი სრულად)