ხელოვნების უნივერსიტეტში პროგრამის „კულტურის მენეჯმენტის განვითარების ხელშეწყობა“ პრეზენტაცია გაიმართა. პრეზენტაციას ესწრებოდნენ აჭარის განათლების, კულტურისა და სპორტის მინისტრი გიორგი თავამაიშვილი, ბრიტანეთის საბჭოს დირექტორი ზაზა ფურცელაძე და უმაღლესი სასწავლებლების სტუდენტები

2-3 დეკემბერს სახვითი ხელოვნების დეპარტამენტის სტუდენტებისათვის ასოცირებულმა პროფესორმა მაია გერსამიამ ჩაატარა მასტერკლასი „სველი ტექნიკა - აკვარელის ტექნიკის ზოგადი კლასიფიკაცია“.

ხელოვნების უნივერსიტეტის მუსიკის ფაკულტეტის სტუდენტებმა ხელოვანთა კლუბის ორგანიზებით კლასიკური მუსიკის კონცერტი გამართეს. ღონისძიება აჭარის სპორტისა და ახალგაზრდობის საქმეთა დეპარტამენტის მხარდაჭერით გაიმართა. კონცერტს ესწრებოდა თურქეთის გენერალური კონსული მეუღლესთან ერთად.

ხელოვნების უნივერსიტეტს ირანის გენერალური კონსული ეწვია. ახმად რეზა არჯაანი უნივერსიტეტის რექტორს შეხვდა. საუბარი შეეხო ირანის კულტურის დღეებს, რომელიც ბათუმში 17-18 დეკემბერს გაიმართება. ღონისძიების ფარგლებში, ხელოვნების უნივერსიტეტში ირანელი რეჟისორების კინოსეანსები მოეწყობა. გაცნობითი ხასიათის შეხვედრაზე მხარეებმა ხელოვნების სფეროში სამომავლო თანამშრომლობის გეგმებზეც ისაუბრეს. ირანის გენერალური კონსულის თქმით, სამომავლოდ ერთობლივი შემოქმედებითი პროექტები შეიძლება დაიგეგმოს.

ხელოვნების უნივერსიტეტის მუსიკის ფაკულტეტზე გაიმართა კლასიკური მუსიკის საღამო, რომელშიც უნივერსიტეტის მოწვეული სპეციალისტი, დოქტორი ნუნუ ჭელიძე, თბილისის ოპერისა და ბალეტის სახელმწიფო აკადემიური თეატრის სოლისტები სალომე ჯიქია და დიმიტრი ბოქოლიშვილი მონაწილეობდნენ.