ახალი ამბები
ELIA NEU/NOW-ს ონლაინ-2013
30 მაისი 2013 წელი
ELIA NEU/NOW-ს ონლაინ ფესტივალი 2013 გაიმართება ამსტერდამში, 2013 წლის 22-26 ივნისს. ფესტივალი კრეატიულ მხატვრებს და ხელოვანებს ევროპის მასშტაბით აძლევს შანსს წარუდგინონ საკუთარი თავი და ნამუშევრები ფართო აუდიტორიას. მონაწილეობის მიღება შეუძლიათ ვიზუალური ხელოვნების, დიზაინის, თეატრის, ცეკვის, მუსიკის და კინოს სფეროს წარმომადგენლებს. ფესტივალის მსვლელობისას დაგეგმილია სხვადასხვა ღონისძიება და პრეზენტაცია, სადაც მონაწილეები გაეცნობიან ინოვაციურ პროექტებს და დაამყარებენ ახალ საერთაშორისო ურთიერთობებს. დამატებითი ინფორმაციისთვის ესტუმრეთ ვებ-გვერდს www.neunow.com
სრულად
გამოფენა
29 მაისი 2013 წელი
აჭარის ხელოვნების სახელმწიფო მუზეუმში გაიმართა ქართველ მხატვართა მიერ მუზეუმისთვის ნაჩუქარი ნამუშევრების გამოფენა. გამოფენილი იყო გია ბუღაძის, რუსუდან ფეტვიაშვილის და სხვა ცნობილ შემოქმედთა ფერწერული ტილოები.საკუთარი ნახატი გადასცა მუზეუმს საჩუქრად ხელოვნების უნივერსიტეტის პედაგოგმა, ასოცირებულმა პროფესორმა ქეთევან ვაჩეიშვილმა. მუზეუმში ინახება უნივერსიტეტის სახვითი ხელოვნების დეპარტამენტის პედაგოგების სერგო გოგოლაძისა და ბექა ბოლქვაძის ნამუშევრები.
სრულად
კლასიკური მუსიკის საღამო შუახევში
28 მაისი 2013 წელი
შუახევის მუნიციპალიტეტში ხელოვნების კვირეული დასრულდა. კვირეულის ბოლო დღე კლასიკური მუსიკის საღამოს დაეთმო. კონცერტზე ხელოვნების უნივერსიტეტის მუსიკის ფაკულტეტის სტუდენტებმა მოცარტის, ლეჰარის და დონიცეტის ცნობილი ოპერებიდან სხვადასხვა არიები შეასრულეს. შესრულდა რევაზ ლაღიძისა და მელიტონ ბალანჩივაძის ნაწარმოებებიც.
კვირეული კულტურის ცენტრის რეჟისორის, ხელოვნების უნივერსიტეტის კურსდამთვრებულის, ვახტანგ ბერიძის ორგანიზებითა და მუნიციპალიტეტის გამგეობისა და საკრებულოს მხარდაჭერით ჩატარდა.
სრულად
კვირეული კულტურის ცენტრის რეჟისორის, ხელოვნების უნივერსიტეტის კურსდამთვრებულის, ვახტანგ ბერიძის ორგანიზებითა და მუნიციპალიტეტის გამგეობისა და საკრებულოს მხარდაჭერით ჩატარდა.
რექტორის ვიზიტი მოლდავეთში
27 მაისი 2013 წელი
21-26 მაისს ხელოვნების უნივერსიტეტის რექტორი ე.მესხია საქმიანი ვიზიტით იმყოფებოდა მოლდავეთის რესპუბლიკის ქ. კიშინიოვში, სადაც მონაწილეობა მიიღო ტემპუსის საერთაშორისო პროექტის დასკვნით კონფერენციაში. ვიზიტის პერიოდში ხელი მოეწერა ურთიერთთანამშრომლობის მემორანდუმებს კაჰულის "ბოგდან პეტრიცეიკუ ჰასდეუს" და ბალტის ალეკუ როსოს სახელმწიფო უნივერსიტეტებს შორის. დელეგაცია, რომლის შემადგენლობაში რექტორთან ერთად შედიოდნენ აჭარის ავტონომიური რესპუბლიკის უმაღლესი საბჭოს განათლების, კულტურის, მეცნიერებისა და სპორტის კომისიის თავმჯდომარე, ასოცირებული პროფესორი გ. მასალკინი და სოხუმის სახელმწიფო უნივერსიტეტის საგარეო საქმეთა და კულტურათაშორისი კომუნიკაციების დეპარტამენტის უფროსი, პროფესორი ი.ძაგანია მიიღი საქართველოს ელჩმა მოლდავეთში ა. მიქაცაძემ.
სრულად
მიხეილ კობახიძის მასტერკლასი
25 მაისი 2013 წელი
ცნობილმა ქართველმა რეჟისორმა მიხეილ კობახიძემ ჩაატარა მასტერკლასი. სტუდენტებმა მიხეილ კობახიძის კინოშედევრები „ქორწილი“, „ქოლგა“ და „მუსიკოსები“ ნახეს, ასევე ნაჩვენები იყო რეჟისორის სტუდენტობის პერიოდში შექმნილი საკურსო ფილმები და უკანასკნელი ფილმი „გზა“. შეხვედრა-მასტერკლასი დიალოგის რეჟიმში გაიმართა. „როგორი უნდა იყოს კარგი კინო და რა უნდა გაითვალისწინონ მომავალმა კინორეჟისორებმა?“ - ახალბედა რეჟისორების და მსახიობების შეკითხვებს რეჟისორმა ამომწურავი პასუხები გასცა.
სრულად