გაფორმდა ურთიერთთანამშრომლობის მემორანდუმი აჭარის ავტონომიური რესპუბლიკის საქვეუწყებო დაწესებულება - საარქივო სამმართველოსა და ხელოვნების უნივერსიტეტს შორის.

2013 წლის 1 აგვისტოს განათლების ხარისხის განვითარების ეროვნულ ცენტრში გაიმართა უმაღლესი საგანმანათლებლო დაწესებულებების ავტორიზაციის საბჭოს სხდომა. საბჭოს ერთსულოვანი გადაწყვეტილებით ბათუმის ხელოვნების სასწავლო უნივერსიტეტს მიენიჭა ავტორიზაცია ხუთი წლის ვადით.

ხელოვნების უნივერსიტეტს სტუმრად ეწვია სოციოლოგი, სორბონის უნივერსიტეტის კინოსა და აუდიოვიზუალური ხელოვნების დეპარტამენტის პროფესორი კრისტიან ფეგელსონი. გაიმართა შეხვედრა უნივერსიტეტის რექტორთან. საუბარი შეეხო უმაღლეს სასწავლებლებს შორის მომავალი ურთიერთთანამშრომლობის საკითხებს, რომელიც გულისხმობს სხვადასხვა სახის გაცვლით პროგრამებს, მასტეკლასებს კინოხელოვნებასა და პროდიუსინგში.

გაიმართა შეხვედრა „აჭარაში კინოწარმოების ხელშეწყობის პროგრამაში“ გამარჯვებული პროექტების წარმომადგენლებთნ.

ხელი მოეწერა ურთიერთთანამშრომლობის მემორანდუმს აზერბაიჯანის რეგიონალური ფილიალის ქ. თავრიზის ინდუსტრიული მენეჯმენტის ინსტიტუტთან, რომელიც მდებარეობს ირანის ისლამურ რესპუბლიკაში. მემორანდუმის ფარგლებში 2014 წლის 26-27 ივნისს დაგეგმილია საერთაშორისო კონფერერნციის (HAAS-2014) ჩატარება.