საინფორმაციო ტური ბათუმის სტადიონის მშენებლობაზე
4 ივნისი 2019 წელი
2019 წლის 1 ივნისს უნივერსიტეტის პროექტების მართვისა და სტუდენტთა კარიერული მხარდაჭერის განყოფილების ინიციატივით და სამშენებლო კომპანიის „ანაგი“ ჩართულობით ჩატარდა საინფორმაციო ტური ბათუმის სტადიონის მშენებლობაზე უნივერსიტეტის შენობა-ნაგებობათა არქიტექტურის სპეციალობის სტუდენტებისათვის. კომპანიის პროექტების მენეჯერმა დავით თავართქილაძემ ისაუბრა სტადიონის პროექტის ავტორზე, ფეხბურთის ფედერაციის მოთხოვნებზე, საერთაშორისო სტანდარტებზე, სამშენებლო კონსტრუქციებზე, მინდვრის საფარზე, სტადიონის დადებით მხარეებზე, ევაკუაციის გეგმაზე და სხვა საინტერესო საკითხებზე. მან უპასუხა სტუდენტების შეკითხვებს. აღსანიშნავია ის ფაქტიც, რომ სულ რამდენიმე დღის წინ კომპანიაში მუშაობა დაიწყო უნივერსიტეტის სტუდენტმა, რომელიც დაინტერესდა ამ კომპანიით უნივერსიტეტში დამსაქმებლებთან ჩატარებული შეხდედრის შემდეგ. ის უნივერსიტეტის დელეგაციას დახვდა უკვე კომპანიის თანამშრომლის ამპლუაში. უახლოეს მომავალში იგეგმება ურთიერთთანამშრომლობის მემორანდუმის გაფორმება სამშენებლო კომპანიასა და უნივერსიტეტს შორის, რომელიც ხელს შეუწყობს ორგანიზაციებს შორის უფრო მჭიდრო თანამშრომლობას.
