11 დეკემბერს ხელოვნების უნივერსიტეტში შედგა შეხვედრა ტურიზმის დარგის სპეციალისტებთან და კურსდამთავრებულთა პოტენციურ დამსაქმებლებთან. კერძოდ, შეხვედრაში მონაწილეობდნენ აჭარის ტურიზმის დეპარტამენტის თავმჯდომარის პირველი მოადგილე თამარ კაიკაციშვილი, “საერთაშორისო ბიზნესის განვითარების და ინვესტიციათა ხელშეწყობის ცენტრის“ ხელმძღვანელი,  ტურიზმის საკითხებში ექსპერტი ზვიად ელიზიანი, „კულტურული ტურიზმის“ პროგრამის ხელმძღვანელები ნინო მამულაძე და ე. მესხია. საუბარი შეეხო „კულტურული ტურიზმის“ საბაკალავრო საგანმანათლებლო პროგრამის აკრედიტაციისათვის მომზადებისა და კურსდამთავრებულთა დასაქმების  საკითხებს. მხარეები შეთანხმდნენ მომავალ თანამშრომლობაზე და შესაბამისი მემორანდუმის გაფორმების შესახებ.