სსიპ-ბათუმის ხელოვნების სახელმწიფო უნივერსიტეტი აცხადებს კონკურსს 2026-2027 სასწავლო წლის შემოდგომის სემესტრისთვის აჭარის ავტონომიური რესპუბლიკის განათლებისა და სპორტის სამინისტროს „წარჩინებული სტუდენტების მხარდაჭერა“ ღონისძიების ფარგლებში ბხსუ-ს საბაკალავრო საგანმანათლებლო პროგრამების სტუდენტთა შესარჩევად.

დაფინანსება გაიცემა 10 (ათი) სტუდენტზე სემესტრულად 1000 ლარის ოდენობით.

I. კონკურსის ჩატარების ვადები

• კონკურსში მონაწილეობის მსურველთა საკონკურსო დოკუმენტაციის მიღება იწარმოებს 2026 წლის 06 ოქტომბრიდან 23 ოქტომბრის ჩათვლით (17:00 საათი) ელექტრონულად შემდეგ მისამართზე: [email protected] ან მატერიალური სახით 10:00 საათიდან 17:00 საათამდე, გარდა შაბათ-კვირისა და უქმე დღისა, ადამიანური რესურსების მართვისა და საქმისწარმოების სამსახურში (ქ.ბათუმი, ზ.გორგილაძის/ვაჟა-ფშაველას ქ. №19/32, პირველი სართული, ოთახი №103);
• საკონკურსო კომისიის მიერ საკონკურსო დოკუმენტაციის განხილვა, შეფასება და გამარჯვებული კონკურსანტების გამოვლენა - 2026 წლის 02 ნოემბერი;
• სტუდენტის მიერ კონკურსის შედეგი შეიძლება გასაჩივრდეს არაუგვიანეს

2026 წლის 03 ნოემბრისა;

• სტუდენტთა საჩივრები განხილული იქნეს საკონკურსო კომისიის მიერ და კონკურსის საბოლოო შედეგები წარმოდგენილი იქნეს და გამოქვეყნდეს ბხსუ-ს ვებგვერდზე, არაუგვიანეს 2026 წლის 05 ნოემბრისა;
• ჩატარებული კონკურსის შედეგების გათვალისწინებით არაუგვიანეს 2026 წლის 06 ნოემბრისა გამოიცეს ბხსუ-ს რექტორის ბრძანება კონკურსში გამარჯვებული სტუდენტების გამოვლენის თაობაზე და შესაბამის დოკუმენტაციასთან ერთად წარედგინოს აჭარის ავტონომიური რესპუბლიკის განათლებისა და სპორტის სამინისტროს, არაუგვიანეს 2026 წლის 10 ნოემბრისა.

II. საკონკურსო პირობები კონკურსში მონაწილეობის მიღების უფლება აქვს:

• სტუდენტს რომელიც სწავლობს ბხსუ-ს ბაკალავრიატის აკრედიტებულ საგანმანათლებლო პროგრამაზე და აქვს:

ა) აქტიური სტუდენტის სტატუსი (შენიშვნა: აქტიური სტუდენტის სტატუსი უნდა დადგინდეს 2026 წლის 01 ნოემბრის მდგომარეობით);

ბ) საქართველოს მოქალაქეობა და აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე, საცხოვრებლად რეგისტრირებულია არანაკლებ ერთი წლით ადრე;

გ) 2025-2026 სასწავლო წლის გაზაფხულის სემესტრის შეფასების საშუალო არითმეტიკული (მთელი სიზუსტის დამრგვალებით) 91 ან მეტი ქულა.