12 ივნისს ბათუმის ხელოვნების სახელმწიფო უნივერსიტეტის დარბაზში დრამისა და კინოს სამსახიობო სპეციალობის III კურსის სტუდენტებისთვის ქართულ ცეკვაში საკურსო გამოცდა გაიმართა.

I კატეგორიის მოწვეული სპეციალისტის, მირანდა ბაღდადიშვილის ხელმძღვანელობით სტუდენტებმა წარმოადგინეს სადარბაზო სიუიტა, რომელშიც შესრულდა ქართული ქორეოგრაფიის ცნობილი ნიმუშები — „დავლური“, „ქართული“, „მირზაია“ და უხუცესთა „ხორუმი“.

საკურსო გამოცდაში მონაწილეობდნენ სტუდენტები: ანა რუხაძე, გიორგი ყურშუბაძე, გიორგი ბაბილოძე და საბა გაბაიძე. მათთან ერთად სცენაზე წარდგნენ აჭარის ხალხური ხელოვნების სკოლის კურსდამთავრებულები — ელენე ანთიძე, მარიამ მიქელაძე და ნინო ზოიძე, რომლებიც ღონისძიებაში უნივერსიტეტსა და სკოლას შორის არსებული თანამშრომლობის ფარგლებში ჩაერთნენ.

ღონისძიებას ესწრებოდნენ სახვითი, სასცენო და კინო-ტელე ხელოვნების ფაკულტეტის დეკანი, პროფესორ-მასწავლებლები, სტუდენტები და მოწვეული სტუმრები.

წარმოდგენამ წარმოაჩინა სტუდენტთა პროფესიული მომზადების დონე, ქართული ქორეოგრაფიული ტრადიციების ცოდნა და სცენური შესრულების უნარები.