2026 წლის 27–31 მაისს გამართულ თელავის საერთაშორისო კინოფესტივალზე „ოქროს მტევანი“ ბათუმის ხელოვნების სახელმწიფო უნივერსიტეტის სახვითი, სასცენო და კინო-ტელე ხელოვნების ფაკულტეტის, კინო-ტელე რეჟისურის მიმართულების სტუდენტებმა მნიშვნელოვანი წარმატება მოიპოვეს. ფესტივალის სპეციალური პრიზი და მაყურებლის სიმპათიის ნომინაცია მოიპოვა ლინდა ჯაიანი-ს ფილმმა „ტელეგრამა“. საუკეთესო სცენარის ნომინაციაში დასახელდა ლიზა ირემაძე ფილმით „ვიტალი მელნიკი“, ხოლო ფიჩინგ კონკურსში მეორე ადგილი მისმა პროექტმა „მეწაღე“ მოიპოვა. ფესტივალის შერჩეული ფილმების (Short List) ნუსხაში მოხვდა სტუდენტების ნამუშევრები: * ლიზა ანჯაფარიძე — „ფეხი ფეხზე მკიდია“; * სანდრო კილაძე — „ესთეტი“; * მარიამ მენაბდე — „ჩემი სვლა“. ბათუმის ხელოვნების სახელმწიფო უნივერსიტეტი ულოცავს სტუდენტებსა და მათ პედაგოგებს ამ მნიშვნელოვან წარმატებას და უსურვებს მომავალში კიდევ მრავალ შემოქმედებით გამარჯვებასა და პროფესიულ წინსვლას.