ბათუმის ხელოვნების სახელმწიფო უნივერსიტეტის მცირე დარბაზში მუსიკის ფაკულტეტის სტუდენტთა კონცერტი გაიმართა. საღამომ ახალგაზრდა მუსიკოსების პროფესიული ზრდა, შემოქმედებითი პოტენციალი და მუსიკალური შესაძლებლობები წარმოაჩინა. კონცერტის ფარგლებში სტუდენტებმა მრავალფეროვანი მუსიკალური ნომრები შეასრულეს, რომლებმაც დამსწრე საზოგადოების დიდი ინტერესი და დადებითი შეფასება დაიმსახურა. ღონისძიებას ესწრებოდნენ უნივერსიტეტის რექტორი მამუკა ალაფიშვილი, პროფესორ-მასწავლებლები, სტუდენტები და მოწვეული სტუმრები. კონცერტის ხელმძღვანელი გახლდათ მუსიკის ფაკულტეტის პროფესორი ლალი ჭელიძე.