22 მაისს სტუდენტებმა მონაწილეობა მიიღეს პრაქტიკულ სამუშაო პროცესში თემაზე — „მოცულობითი ფორმების აწყობა მინი მანეკენებზე“. მასტერკლასის ფარგლებში მონაწილეებმა დეკორატიული ქაღალდის გამოყენებით შექმნეს განსხვავებული ფორმები და კომპოზიციები, სადაც განსაკუთრებული ყურადღება დაეთმო ტრადიციული ბერძნული ორნამენტის — მეანდრის — ინტეგრირებას თანამედროვე დიზაინში. პრაქტიკული მუშაობის პროცესმა სტუდენტებს საშუალება მისცა განევითარებინათ სივრცობრივი აზროვნება, ფორმისა და სტრუქტურის აღქმა, ასევე ექსპერიმენტული დიზაინის უნარები.მასტერკლასს ხელმძღვანელობდა ბათუმის ხელოვნების სახელმწიფო უნივერსიტეტის ასოცირებული პროფესორი დიანა თალაკვაძე.