ბათუმის ხელოვნების სახელმწიფო უნივერსიტეტი მიმდინარე წელს 30 წლის იუბილეს აღნიშნავს, რომლის ფარგლებშიც სხვადასხვა კულტურული და საგანმანათლებლო ღონისძიება იმართება. 15 მაისს, ქართული კინოს დღის ფარგლებში, უნივერსიტეტმა მახინჯაურის საჯარო სკოლის VIII „გ“ კლასის მოსწავლეებსა და მათ მშობლებს უმასპინძლა. სტუმრებმა დაათვალიერეს სასწავლო სივრცეები და გაეცნენ უნივერსიტეტის ისტორიას. კინო-ტელე ხელოვნების დეპარტამენტის ასისტენტმა, ხელოვნებათმცოდნეობის დოქტორმა ნატო ცქვიტინიძემ მოსწავლეებს უნივერსიტეტის საქმიანობასა და წარმატებულ კურსდამთავრებულებზე ესაუბრა. შეხვედრის ფარგლებში გაიმართა ფილმის „როცა აყვავდა ნუში“ ჩვენება და დისკუსია, სადაც მოსწავლეებმა ფილმის თემატიკასა და პერსონაჟებზე იმსჯელეს. ღონისძიება ახალგაზრდებში ქართული კინოსა და კულტურის მიმართ ინტერესის გაღრმავებას ისახავდა მიზნად.