2026 წლის 20-21 აპრილს, უნივერსიტეტის სტუდენტთა კარიერული მხარდაჭერისა და პროექტების მართვის განყოფილების ორგანიზებითა და „საქართველოს კალიგრაფთა ასოციაციასთან“ პარტნიორობით, ჩატარდება კალიგრაფიის ორდღიანი მასტერკლასი. ღონისძიება ეძღვნება ქართული ენის დღეს.

მასტერკლასის პროგრამა:

I დღე (20 აპრილი): დაეთმობა ქართული დამწერლობის (ასომთავრული, მხედრული, ნუსხური) გრაფიკულ საფუძვლებსა და კომპოზიციის აგების ხერხებს. პრაქტიკულ ნაწილში მონაწილეები კალიგრაფიული კალმებით შექმნიან ნამუშევრებს ქართული ენის თემაზე.

II დღე (21 აპრილი): დაეთმობა ტრადიციულ დეკორსა და საზედაო ასოების მოხატვის ხელოვნებას. მონაწილეები დაასრულებენ პირველ დღეს დაწყებულ ნამუშევრებს მოხატული სათაო ასოებით.

სამიზნე აუდიტორია:

მასტერკლასი უპირატესად განკუთვნილია სახვითი ხელოვნების დეპარტამენტის არქიტექტურისა და მოდის დიზაინის პროგრამების სტუდენტებისთვის, თუმცა დასწრება შეუძლია უნივერსიტეტის ნებისმიერი მიმართულების სტუდენტსა და დაინტერესებულ პერსონალს.

ლოკაცია და დრო: დასაწყისი: 14:00 საათი.

ხანგრძლივობა:  5 საათი (2 დღე).

ადგილი: IV სართული, აუდიტორია № 420.

მასტერკლასს გაუძღვება:  დავით მაისურაძე - კალიგრაფი, საქართველოს კალიგრაფთა ასოციაციის თანადამფუძნებელი, დირექტორის მოადგილე.

პროგრამის დასრულების შემდეგ გაიცემა  სერტიფიკატი