17 მარტს „გალერეა ჩიგოგიძე“-ში გაიმართა მხატვარ სერგო გოგოლაძის პერსონალური გამოფენა — „ფერწერული გრაფიკა“.

გამოფენამ დამთვალიერებელს შესთავაზა მრავალფეროვანი ნამუშევრები, სადაც გრაფიკისა და ფერწერის სინთეზი განსაკუთრებულად საინტერესოდ არის წარმოჩენილი. წარმოდგენილი ნამუშევრები გამოირჩეოდა როგორც ტექნიკური მრავალფეროვნებით, ისე თემატური სიღრმით, რაც ვიზიტორებს აძლევდა შესაძლებლობას, განსხვავებული ხედვით აღექვათ ავტორის შემოქმედება.