აჭარის ხელოვნების მუზეუმში, აჭარის კულტურის სამინისტროს ინიციატივით, გაიხსნა ქართველ ქალ მხატვართა გამოფენა — „ქალი გაზაფხულის ექსპრესია“, რომელიც აერთიანებს აჭარაში მცხოვრებ და საქართველოს სხვადასხვა რეგიონიდან მოწვეულ ხელოვანთა ნამუშევრებს. გამოფენაში მონაწილეობენ ბათუმის ხელოვნების სახელმწიფო უნივერსიტეტის ასოცირებული პროფესორები — მაია გერსამია და დიანა თალაკვაძე, ასევე უნივერსიტეტის მოწვეული პედაგოგი — ირინა ტორონჯაძე. მათი მონაწილეობა კიდევ ერთხელ უსვამს ხაზს უნივერსიტეტის აკადემიური პერსონალის აქტიურ ჩართულობას თანამედროვე კულტურულ პროცესებში და ქვეყნის ხელოვნების განვითარებაში. ექსპოზიცია დამთვალიერებლებს 9 მარტის ჩათვლით უმასპინძლებს და წარმოადგენს ქალ ხელოვანთა შემოქმედებითი ენერგიის, ინდივიდუალური ხედვისა და პროფესიული მრავალფეროვნების მნიშვნელოვან წარმოჩენას.