2026 წლის 26 თებერვალს, მერაბ ბერძენიშვილის სახელობის ოზურგეთის მუნიციპალიტეტის თანამედროვე სახვითი ხელოვნების ცენტრში გაიმართა სახვითი ხელოვნების დეპარტამენტის პროფესორ-მასწავლებელთა ნამუშევრების გამოფენა, რომელიც ბათუმის ხელოვნების სახელმწიფო უნივერსიტეტის 30 წლის იუბილეს მიეძღვნა. საღამო განსაკუთრებულად ემოციური იყო — ხელოვნებამ, პროფესიულმა გამოცდილებამ და მეგობრულმა ურთიერთობებმა ერთ სივრცეში გააერთიანა ადამიანები, რომლებსაც საერთო ღირებულებები და შემოქმედებითი გზა აკავშირებთ.

აღნიშნული გამოფენა მხოლოდ იუბილესადმი მიძღვნილი ღონისძიება არ ყოფილა — იგი გახდა ურთიერთობების გამტკიცებისა, კულტურული დიალოგის გაღრმავებისა და მომავალი თანამშრომლობების კიდევ ერთი მნიშვნელოვანი ეტაპი. მადლობა თითოეულ მონაწილესა და მასპინძელ სივრცეს ამ სითბოსა და აქტიური თანამშრომლობისთვის .