მოხარული ვართ გაცნობოთ, რომ ბათუმის ხელოვნების სახელმწიფო უნივერსიტეტმა წარმატებით გაიარა ავტორიზაციის პროცესი და მიენიჭა ავტორიზაცია 6 წლის ვადით. ეს გადაწყვეტილება წარმოადგენს მნიშვნელოვან აღიარებას უნივერსიტეტის მუდმივი განვითარების, ხარისხიანი განათლების მიწოდებისა და პროფესიონალი კადრების მომზადების მიმართულებით განხორციელებული სისტემური მუშაობის.

 

ვულოცავთ ჩვენს სტუდენტებს, აკადემიურ და ადმინისტრაციულ პერსონალს, პარტნიორებსა და მხარდამჭერებს — ეს მიღწევა ყველას საერთო ძალისხმევის შედეგია.

 

განსაკუთრებულ მადლობას ვუხდით ავტორიზაციის საბჭოს, ექსპერტებსა და განათლების ხარისხის განვითარების ეროვნულ ცენტრს — უნივერსიტეტის საქმიანობის დეტალური შეფასებისა და მიღწეული პროგრესის მაღალი შეფასებისთვის.

 

ბათუმის ხელოვნების სახელმწიფო უნივერსიტეტი აგრძელებს განვითარებას, ახალი ინიციატივებისა და თანამედროვე სტანდარტების დანერგვას, რათა სტუდენტებს შესთავაზოს შთამაგონებელი, სტაბილური და ხარისხზე ორიენტირებული სასწავლო გარემო.