ბათუმის ხელოვნების სახელმწიფო უნივერსიტეტში გაიმართა ვიგოს კონსერვატორიის საერთაშორისო ურთიერთობების ხელმძღვანელის, ხოსე ლუის ფერნანდესის პრეზენტაცია. საინფორმაციო შეხვედრაზე ბატონმა ფერნანდესმა ისაუბრა: ესპანური განათლების სისტემის თავისებურებებზე, სტუდენტებისა და აკადემიური პერსონალისთვის ხელმისაწვდომ გაცვლით პროგრამებზე, დაფინანსებისა და სტიპენდიების მიღების შესაძლებლობებზე, ვიგოს კონსერვატორიის უმაღლეს საგანმანათლებლო პროგრამებსა და მიმართულებებზე. აღნიშნულ სასწავლებელში ბხსუ-ს 2 სტუდენტი იმყოფებოდა გაცვლითი პროგრამით.2026 წლის საგაზაფხულო სემესტრში იგეგმება კიდევ ერთი სტუდენტის გაგზავნა ერთსემესტრიან პროგრამაზე აჭარის ავტონომიური რესპუბლიკის განათლებისა და სპორტის სამინისტროს „საბაკალავრო პროგრამის“ ფარგლებში.